Psalmen 86:1-17
Tangiang ni si Daud.
86 Ale Jahowa, patinggil ma pinggolmu jala alusi ma au,Ai na dangol do au jala na pogos.+
2 Jaga ma ngolukku, ai setia do au.+
Palua ma naposomon na marpos ni roha tu Ho,Ai Ho do Debatakku.+
3 Ale Jahowa, asi ma roham tu au,+Ai ganup ari do au jou-jou tu Ho.+
4 Bahen ma marlas ni roha naposomon,Ai tu Ho do hupasahat ngolukku, ale Jahowa.
5 Ale Jahowa, na burju do Ho+ jala rade manalpuhon hasalaan.+Sai dipatudu Ho do holong ni roham* tu sude halak na jou-jou tu Ho.+
6 Ale Jahowa, tangihon ma tangiakku,Tangihon ma elek-elekku na mangido asa diurupi.+
7 Tikki susa au, jou-jou do au tu Ho,+Ai alusanmu do au.+
8 Dang adong debata na songon Ho, ale Jahowa,+Dang adong na boi mambahen songon na binahenmi.+
9 Ro ma sude bangso na binahenmi, ale Jahowa,Ro ma nasida jala marsomba tu jolom,+Pasangapon ni nasida ma goarmi.+
10 Ai sangap do Ho jala dibahen Ho do akka ulaon na palongang roha,+Holan sasada Ho do Debata.+
11 Ajari ma au taringot dalanmi, ale Jahowa.+
Asa mardalan au di dalanmu na sittong i.+
Urupi ma au pasangappon goarmi sian nasa rohakku.*+
12 Ale Jahowa Debatakku, pujiokku ma Ho sian nasa rohakku,+Jala pasangapokku ma goarmu saleleng ni lelengna.
13 Ai balga do holong ni roha* na pinatudum tu au,Jala dipalua Ho do au sian Kuburan* na massai bagas.+
14 Ale Debata, ro do akka siginjang roha mangalo au,+Ro do akka halak na kejam naeng pamatehon au,Dang parduli nasida tu Ho.+
15 Alai Debata na burju jala parasi roha do Ho, ale Jahowa,Setia do Ho, lambat do Ho tarrimas jala gok do holong ni roha* na pinatudum.+
16 Tatap ma au jala asi ma roham tu au.+
Lehon ma gogo tu naposomon,+Palua ma au tubu ni hatobanmon.*
17 Patudu ma haburjuonmi tu au,Asa sude halak na marsogo ni roha tu au mangida i jala gabe maila.
Ai Ho do na mangurupi au jala na mangapuli au, ale Jahowa.
