Psalmen 104:1-35
104 Sai toktong ma hupuji Jahowa.+
Ale Jahowa Debatakku, massai sangap do Ho.+
Dibahen Ho do hasangaponmu dohot hamuliaonmu gabe pakkeanmu.+
2 Dibahen Ho do na tiur+ gabe pakkeanmu,Dipahembang Ho do langit songon na pahembangkon kemah.+
3 Dibahen Ibana do tiang ni akka kamarna di aek na di langit,*+Dibahen Ibana do akka ombun gabe kareta porangna,+Jala mardalan do i di ginjang ni habong ni alogo.+
4 Dibahen Ibana do akka suru-suruanna massai gogo,*Jala dibahen Ibana do parhobasna songon api na marsigorgor.+
5 Dibahen Ibana do tano on di ginjang ni fondasina,+Dang na lao meret i sian ingananna* saleleng ni lelengna.+
6 Dibahen Ho do najolo aek na bagas manutupi tano on dos songon pakkean.+
Jala ditutupi aek do akka dolok.
7 Tikki disonggak Ho aek i lari ma i,+Gabe marlarian ma aek i ala mabiar mambege soara ni ronggurmu.
8 Nakkok ma akka dolok+ jala turun ma akka rura,Lao be ma i tu inganan na diparade Ho.
9 Dibahen Ho do batas na so boi dilewati aek i,+Asa unang boi be aek i manutupi tano on.
10 Dibahen Ibana do mata mual mardalan di akka rura,Mardalan do i di holang-kolang ni akka dolok.
11 Gabe adong ma aek inumon ni sude binatang liar na di ladang.Minum do halode liar sian i sappe puas.
12 Marasar do akka pidong di ginjang ni akka hau na jonok tu aek i.Jala marende do pidong i di dakka ni hau i.
13 Disirami Ibana do akka dolok sian kamarna parginjang.+
Las do roha ni tano on alani akka ulaonmu.+
14 Dibahen Ibana do martubuan akka rumput lao allangon ni lombuJala martubuan ma suan-suanan na boi dipakke jolma,+Gabe adong ma sipanganon sian tano on.
15 Adong ma anggur na mambahen las roha ni jolma,+Miak na mambahen bagak bohi ni nasida,Jala adong ma roti na mambahen las roha ni jolma.+
16 Gabe las ma roha ni akka hau na binahen ni Jahowa alani aek i,Akka hau ares Libanon na disuan Ibana,
17 Disi ma marasar akka pidong,
Jala di hau juniper ma marasar burung bangau.+
18 Marasar do hambing tombak+ di akka dolok na timbo,Jala di akka dolok batu do martabuni akka marmut.*+
19 Dibahen Ibana do bulan lao paboahon tikki,Jala diboto mataniari do sadihari ikkon bonom.+
20 Dibahen Ho ma na holom, gabe ro ma borngin.+Markaluaran ma sude binatang buas na di tombak.
21 Marauang ma singa mangalului siboddutonna,+Mangalului sipanganon na diparade Debata.+
22 Dung bissar mataniari,Mulak ma nasida jala modom di asarna.
23 Lao ma jolma karejo,Jala torus ma nasida karejo sahat tu botari.
24 Tung godang situtu do na binahenmu, ale Jahowa!+
Dibahen Ho do sudena i alani bisukmu.+
Gok do na binahenmu di tano on.
25 Adong do muse laut na bidang jala na bagas,Gok do disi akka na mangolu, na balga nang na gelleng.+
26 Mardalan do disi akka kapal.Jala dibahen Ho do marmeami Lepiatan*+ di aek i.
27 Sude do nasida paima-imahon HoLao manjalo sipanganon di tikkina.+
28 Manang aha na dilehon Ho tu nasida, papunguon ni nasida do i.+
Tikki dibukka Ho tanganmu lao mangalehon akka na denggan,+ gabe las ma roha ni nasida.
29 Molo dipadao Ho bohim, gabe susa ma nasida.
Molo dibuat Ho hosa ni nasida, mate ma nasida jala mulak tu tano.+
30 Molo diusehon Ho tondi parbadiam, gabe adong ma nasida,+Jala dipaimbaru Ho do tano on.
31 Martahan do hasangapon ni Jahowa saleleng ni lelengna.
Jala marlas ni roha do Jahowa alani akka ulaonna.+
32 Tikki ditatap Ibana tano on, gabe hutur-hutur ma i.Tikki dijama Ibana akka dolok, gabe martimus ma i.+
33 Marende ma au tu Jahowa+ saleleng ni ngolukku.Marende ma au mamuji* Debatakku saleleng mangolu au.+
34 Sai dihalomohon Ibana ma nian akka na hupikkiri.*
Marlas ni roha do au alani Jahowa.
35 Na lao salpu do akka pardosa sian tano on,Jala dang adong be akka parjahat.+
Sai toktong ma hupuji Jahowa. Puji ma Jahowa!*
Surat na di toru
^ As. “di akka aek”.
^ Manang “na lao hutur-hutur i”.
^ Binatang na songon marmut na balga, dang adong ihurna, jala mangolu di tano na marbatu-batu.
^ Manang “Marmusik ma au tu”.
^ Manang boi do “akka na hupikkiri taringot Ibana”.
^ Manang “Jah!”. “Jah” singkatan goar ni Jahowa. Ida Lampiran A5.
