Bibel, i ma hata ni Debata na marguna tu hita. Boi do taboto sian Bibel songon dia asa denggan ngolutta jala songon dia asa tabahen las roha ni Debata. Adong do alus ni sukkun-sukkun on di Bibel:

Adong 66 bukku di Bibel. Dibagi ma akka bukku on gabe dua bagian: Akka Bukku Heber-Aram (“Perjanjian Lama”) dohot Akka Bukku Junani Kristen (“Perjanjian Baru”). Di sude bukku on, adong do bindu dohot ayat. Tikki disurat sada ayat ni Bibel, lapatan ni nomor na parjolo dung goar ni bukku i, i ma bindu. Jala lapatan ni nomor na mangihut, i ma ayatna. Contohna, 1 Musa 1:1 lapatanna 1 Musa bindu 1, ayat 1.