Psalmen 115:1-18
115 Dang hami, ale Jahowa, dang hami,*Alai goarmu do na ikkon dipasangap+Ai dipatuduhon Ho do holong ni roham* jala setia do Ho.+
2 Boasa ma didok akka bangso,
“Didia do Debata ni nasida?”+
3 Di surgo do Debatanami,Diulahon Ibana do manang aha pe lomo ni rohana.
4 Alai anggo patung na disomba nasida, sian perak dohot sian mas do i,Jala jolma do na mambahen i.+
5 Adong do babana, alai dang boi makkatai.+Adong do matana, alai dang boi mangida.
6 Adong do pinggolna, alai dang boi mambege.Adong do igungna, alai dang boi manganggo.
7 Adong do tanganna, alai dang boi maniop.Adong do patna, alai dang boi mardalan.+Jala dang tarbege soara sian aru-aruna.+
8 Lao gabe songon i ma akka halak na mambahen i,+Jala songon i ma akka halak na porsea tusi.+
9 Ale Israel, porsea ma hamu tu Jahowa.+Ibana do na mangurupi hamu jala na gabe perisai di hamu.+
10 Ale pinoppar ni si Aron,+ porsea ma hamu tu Jahowa.Ibana do na mangurupi hamu jala na gabe perisai di hamu.
11 Hamu akka halak na makkabiari Jahowa, porsea ma hamu tu Jahowa.+Ibana do na mangurupi hamu jala na gabe perisai di hamu.+
12 Sai diingot Jahowa do hami jala pasu-pasuonna.Pasu-pasuonna do pinoppar ni Israel.+Pasu-pasuonna do pinoppar ni si Aron.
13 Pasu-pasuonna do akka halak na makkabiari Jahowa,Na sangap dohot na so sangap.
14 Bahenon ni Jahowa ma ho marpinoppari,Ho dohot akka anakmu.+
15 Sai dipasu-pasu Jahowa ma ho,+Ibana do na mambahen langit dohot tano on.+
16 Jahowa do nappuna langit,+Alai anggo tano on nungnga dilehon Ibana tu jolma.+
17 Dang boi halak na mate mamuji Jahowa,*+Songon i nang akka halak na turun tu hamatean.*+
18 Alai anggo hami, pujionnami do Jahowa*Sian saonari sahat tu saleleng ni lelengna.
Puji ma Jahowa!*
Surat na di toru
^ Manang “Dang adong manang aha di hami, ale Jahowa, dang adong manang aha di hami”.
^ Manang “Jah!”. “Jah” singkatan goar ni Jahowa. Ida Lampiran A5.
^ As. “inganan na lungun”.
^ Manang “Jah!”. “Jah” singkatan goar ni Jahowa. Ida Lampiran A5.
^ Manang “Jah!”. “Jah” singkatan goar ni Jahowa. Ida Lampiran A5.
