Psalmen 127:1-5
Ende ni Halak na Nakkok tu Kota.* Sian si Salomo.
127 Molo dang Jahowa na pajongjokkon jabu,Marisuang ma halojaon ni halak na pajongjokkon i.+
Molo dang Jahowa na manjaga kota,+Sia-sia ma halojaon ni akka panjaga na toktong sai jaga.
2 Dang adong gunana, nang pe tibu hamu dungo manogot,Karejo sahat tu borngin,Marhoi-hoi mangalului sipanganon,Ai diparrohahon Ibana do halak na dihaholongi Ibana, jala dibahen Ibana do nasida renges modom.+
3 Silehon-lehon ni Jahowa do akka ianakkon,+Jala upa na sian Ibana do akka dakdanak na ditubuhon.+
4 Songon anak panah di tangan ni bawa na gogo,Songon i ma anak ni sahalak bawa na poso.+
5 Marlas ni roha ma bawa na godang anak panahna.+
Dang na lao dipaila akka musu nasida,Ai na lao dibela akka anakna do ibana di pintu gerbang ni kota.
