Psalmen 146:1-10
146 Puji ma Jahowa!*+
Paloas ma au mamuji Jahowa.+
2 Pujiokku ma Jahowa saleleng ni ngolukku.
Marende ma au mamuji* Debatakku saleleng ni ngolukku.
3 Unang ma porsea hamu tu akka pamimpin,*Manang tu anak ni jolma na so boi mangalehon haluaon.+
4 Molo dung tos hosana, mulak tu tano do ibana,+Laos di tikki i salpu ma sude pikkiranna.+
5 Marlas ni roha ma halak na mangido tu Debata ni si Jakkob asa diurupi,+Jala na porsea tu Jahowa Debatana,+
6 Ibana do na manoppa langit dohot tano on,Songon i nang laut dohot nasa isina,+Ibana do na toktong boi dihaporseai,+
7 Na mambahen na adil tu halak na dioto-otoi,Na mangalehon sipanganon tu halak na male.+
Jahowa do na paluahon halak na tarhurung.*+
8 Dibukka Jahowa do mata ni halak na mapitung,+Dipatogu Jahowa do halak na gale,+Jala dihaholongi Jahowa do halak na tigor marroha.
9 Dijaga Jahowa do halak panoppang,Diurupi Ibana do dakdanak na so marama dohot ina na mabalu,+Jala disundati Ibana do akka rencana ni parjahat.*+
10 Jahowa do na lao gabe Raja saleleng ni lelengna,+Ale Sion, Debatami do na gabe Raja sian tikki tu tikki.
Puji ma Jahowa!*
Surat na di toru
^ Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.
^ Manang “Marmusik ma au tu”.
^ Manang “akka na sangap”.
^ As. “tarratte”.
^ Manang “Dipapeol do dalan ni akka parjahat”.
^ Manang “Halleluya!”. Lapatanna “Puji ma Jah!”. “Jah” singkatan goar ni Jahowa. Ida Lampiran A5.