Yésaya 45:1-25
45 Haana nyen Yéhôva a nkal nhook wé le Kirus,+nu a ngwel+ i woo wé walôminyu suhus biloñ i bisu gwé,+inyu kadal bijôl bi gwét* bi bikiñe,inyu yible nye nwemel u makôga ima,kayéle manwemel ma ga ba bé nyibak:
2 “Me ga bôk we i bisu,+me yilha dikôa homa a tégi.
Me bôk makôga ma mamuna ngéñ ngéñ,me kit+ bihimbil bi kei* bikét bikét.
3 Me ga ti we nkus u u yé ikété jiibe,masôô ma nkus ma ma yéne i bahoma ba sôli,+inyu boñ le u yi le me yé YéhôvaNyambe nu Israel, men me nsébél we ni jôl joñ.+
4 Inyu loñge i ngwélél wem le Yakôb ni inyu loñge i Israel nu me bi pohol,nyen me nséble we ni jôl joñ.
Me nti jôl joñ lipém, to hala kiki u yé ngi yi me.
5 Me yé Yéhôva, numpe a ta bé.
Nyambe numpe a ta bé, handugi me.+
M’a lédés we,* to hala kiki u yé ngi yi me,
6 inyu boñ le bôt ba yi,ibôdôl i homa hiañgaa hi mpémél letee ni i homa hi nañle,*le numpe a ta bé handugi me.+
Me yé Yéhôva, numpe a ta bé.+
7 Me nhek mapubi,+ me nhek ki jiibe,+me nlona nsañ,+ me nlona ki mandutu;+me Yéhôva, me mboñ i mam ma momasôna.
8 A ngii, boñ le nop a no;+yak ond i nôs telepsép kiki nop.
Hisi hi yibla, hi num litam lini le tohi;i nlélém ngéda, hi boñ ki le telepsép i o.+
Me Yéhôva, men me mboñ hala.”
9 Ngoo ni mut a njôs* Nhek wé,*inyule a yé kiki pes yada i hibee hi bitékipôla bini bipes bipe bi bi niñi ’isi!
Baa ték lima i nla kal Mma dibee* le: “Kii u yé i boñ ha?”+
Baa i yom u mma i nla bat we le: “U gwé bé moo”?*
10 Ngoo ni mut a nkal isañ le: “Inyuki u bi gwal me?”
Tole nu a nkal nyañ le: “Kii u ngwal mu?”*
11 Yéhôva, Numpubi nu Israel,+ nu a bi uñgus nye,* a mpot le:
“Baa ni nla pééna i mam me nlegel inyu dilo di nlo,tole ni nla niiga me kii me boñ ni bon+ bem, yak ni minson mi moo mem?
12 Me bi hek hisi,+ me hek mut binam, me bii nye mu.+
Me bi sambal ngii ni moo+ mem,me bi ti ki ntôñ wap gwét+ wonsôna oda.”
13 “Ikété telepsép+ yem, me bi téé ngim mut,me ga sañal* manjel mé momasôna.
Nyen a ga oñ tison+ yem,a kobol+ ki bôt bem i minkôm ibabé le a bat nsaa, to bitek,”+ hala nyen Yéhôva nu mintôñ mi gwét a mpot.
14 Haana nyen Yéhôva a nkal:
“Nkus* u Égiptô ni gwom bi nyuñga* bi Étiôpia ni bi bôt ba Séba, bôt ba mbôñgô ntel,bi ga lo i weeni, bi yila gwom gwoñ.
Ba ga noñ we i mbus, ba bak nkañak ni minsañ.
Ba ga lo, ba ôôp i bisu gwoñ.+
Ba ga pôdôs we ni suhulnyuu, ba kalak le: ‘Ibabé pééna, Nyambe a yé ni we,+Nyambe numpe a ta bé; ñ, numpe a ta bé.’”
15 A Nyambe nu Israel, a Ntohol+ni maliga, u yé Nyambe nu a nsolop.*
16 Bobasôna ba ga kon hison, ba wo ki nyuu;i bôt ba mbañ bisat, bobasôna ba ga wo nyuu.+
17 Ndi Yéhôva a ga tohol+ Israel ni tohi i boga ni boga.
Ni ga kon bé hison, ni ga wo bé to nyuu i boga ni boga.+
18 Inyule haana nyen Yéhôva a nkal,Nhek ngii,+ bañga Nyambe,nu a bi hek hisi, a téé ki hio le hi piñgla bañ,+nu a bi hek bé hio yañga,* ndi a bi uñgus hio le bôt ba yééne mu:+
“Me yé Yéhôva, numpe a ta bé.”
19 Me bi pôdhene bé bé i homa a sôli,+ i loñ i jiibe;me bi kal bé to mbôda* Yakôb le:
‘Yéña me yañga.’
Me yé Yéhôva, men me mpot mam ma téé sép, me ñañal ki mam ma yé maliga.+
20 Kodbana, ni loo.
Tiigana bebee, a bé bobasôna ba ni bi nyodi i minkôm i biloñ.+
I bôt ba mbegee mintjok mi biôñgba,ba soohege nyambe nu a nla bé tohol bo,+ ba gwé bé yi.
21 Lona minkaa, tina mahoñol manan.
Kodbana, ni nôgla.
Njee a bi bôk a legel i mam mana i ngéda kôba,a yelel ki mo i mangéda ma bi tagbe?
Baa me Yéhôva bé?
Nyambe numpe a ta bé handugi me;Nyambe nu a téé sép ni nu a ntohol;+ numpe a ta bé, handugi me.+
22 A makas ma ’isi momasôna, loga i meeni,+ ni tohlana,inyule me yé Nyambe, numpe a ta bé.+
23 Me nkum soñ i jôl jem;lipôdôl li li mpam i nyo wem li yé maliga,li ga témb ha bé ni mbus:+
hiki mut a ga ôm maboñ i bisu gwem,hiki mut a ga kum soñ le a ga téñbe ni me,+
24 a kalak le: ‘Ñ, bañga telepsép ni ngui bi yé yak Yéhôva.
I bôt bobasôna ba ñunbene nye ba ga kon hison i bisu gwé.
25 Mbôda* Israel yosôna i ga tehe le ba bi yi boñ le ba gwélél Yéhôva,+ba ga kadba ki inyu yé.’”
Ndoñi
^ Ni hop Lôk Héber, “inyu tiñil ngôli i bibôbôk.”
^ Tole “éña.”
^ Ni hop Lôk Héber, “M’a téñ we ngôli.”
^ Tole “ibôdôl i pes likôl letee ni i pes hiôñg.”
^ Tole “a mpééna.”
^ Tole “Nu a ñuñgus nye.”
^ Tole “Nu a mma yo.”
^ I nla ki ba, “Tole ték lima i nla kal le: ‘Hibee hioñ hi gwé bé bigwélél’?”
^ Tole “U nkôôga le u ngwal kii?”
^ Hala wee, Israel.
^ Tole “téé.”
^ I nla ki ba, “Bagwelnson.”
^ I nla ki ba, “bôt ba nyuñga.”
^ Tole “nu a nyelel bé hiki ngéda i mam a mboñ.”
^ I nla ki ba, “a bi hek bé hio le hi ba hôlô.”
^ Ni hop Lôk Héber, “mbôô.”
^ Ni hop Lôk Héber, “Mbôô.”