Yésaya 35:1-10
35 Ñoñ ni nnumuk nkoñ bi ga kon maséé,+yak tegep ñoñ i ga kon maséé, i ti ki mbônji bikai.*+
2 Ibabé set, u ga too;+u ga kon maséé, u leñ ki diléla.
Lipém jé li ga ba kiki lipém li Libañ,+yak bilama gwé bi ga ba kiki bi Karmel+ ni bi Sarôn.+
Bôt ba ga tehe lipém li Yéhôva, bilama bi Nyambe wés.
3 Lédhana moo ma ma ntomb,lédhana yak maboñ ma ma nsehla.+
4 Kala i bôt ba gwé nduña i ñem le:
“Lédhana. Ni kon bañ woñi.
Nuna-ki! Nyambe nan a ga lona mapuna,Nyambe a ga lona kogse.+
A ga lo, a tohol ki bé.+
5 Ha ngéda i, bôt ba ndim ba ga tehna,+maôô ma bôt ba ndok ma ga yibla.+
6 Ha ngéda i, bôk mut i ga pind kiki nlôm ngôlôñ,*+hilémb hi bôt ba mbuk hi ga lond ni maséé.+
Inyule malép ma ga puhul i ñoñ,yak diléléba i tegep ñoñ.
7 Hisi hi hi nlék hi ga yila kiki titimba i i yôni ni makai,nnumuk nkoñ u yila mangen ma malép.+
Bikai, makai ni biloloo bi ga bamu bihôk bi dibaa di njéé,+ i het di nañlene.
8 Nloñ nkeñi u ga ba nyoo,+ñ, nloñ u u gwé jôl le Nloñ mpubhaga.
Mut nyega nye ki nye a ga kil bé mu.+
U yé ndigi inyu mut a kôli kil mu;jôñ mut yo ki yo i ga lôô bé mu.
9 Mbondo njéé i ga ba bé mu,to nuga bikai yo ki yo i ga kil bé mu.
Mut a ga boma bé gwo mu;+ndik i bôt Nyambe a nkobol, bon ba ga kil mu.+
10 I bôt Yéhôva a nkobol ba ga témb+ i Siôn, ba leñek diléla.+
Maséé ma ma mal bé ma ga ba bo i ngii ño kiki ntut.+
Ba ga ba ndik ikété maséé ni mahak,ndutu ni njiiha bi ga ba ha bé.+
