MBADGA 6
Kii Bibel i bi bôk i kal inyu Mésia?
MBAÑ
“Ndi we a Bétléhém Éfrata, . . . i weeni nyen nkena Israel a’ pémél inyu boñ sômbôl yem.”
BIYÔNÔL
“I mbus ligwéé li Yésu i Bétléhém i Yudéa, i dilo di Kiñe Hérôdé, nuna-ki, bayitjôdôt ba bi lôl i pes likôl, ba pam i Yérusalem.”
MBAÑ
“Ba nkabna mambot mem, ba nleñ ki mbam inyu mambot mem.”
BIYÔNÔL
“I mbus, i ngéda bisônda bi bi mal tômôl Yésu i kék, bi yoñ mambot mé, bi kap mo môga ma-na . . . Ndi mbot yé kété i bééna bé mbañgô; i bé mbagak ibôdôl i ngii ikepam isi. Jon bi bi kalna le: ‘Di was bañ yo, ndi di leñ mbam inyu yi njee a’ yoñ yo.’”
MBAÑ
“Nyambe a ntééda bihés gwé gwobisôna; to yada i mbugi bé.”
BIYÔNÔL
“Kiki bi mpam yak Yésu, bi tehe le a mal wo, jon bi bi bôk bé nye makôô.”
MBAÑ
“Inyu bibéba gwés nyen ba bi tôp nye.”
BIYÔNÔL
“Ndi sônda yada mu, i ôm nye likoñ i mbai; i nlélém ngéda, matjél ni malép ma pam.”
MBAÑ
“Ha nyen ba bi saa me 30 ma batjañtjañ ba silba.”
BIYÔNÔL
“Ndi wada mukété jôm ni iba, nu ba nsébél le Yuda Iskariôt, a ke yak baéga biprisi, a kal le: ‘Ibale me mboñ le ni gwel nye, n’a ti kii me?’ Ba bôn nye 30 ma batjañtjañ ba silba.”
