MBADGA 11
Kii i ntagbe i ngéda mut a nwo?
“Nhébék u mut binam u mpam, a témb i biték; i nlélém kel, boña wé a nsal ha bé.”
“Inyule bayômi ba nyi le ba ga wo, ndi bawoga ba nyi bé to jam . . . To kinje jam u gwé le u mboñ, boñ jo ni ngui yoñ yosôna, inyule nson wo ki wo, to mahoñol, to yi, to pék bi ta bé i Soñ, i het u nke.”
“[Yésu] a kônde le: ‘Liwanda jés Lasarô li nke ’ilo, ndi me nke nyoo inyu tôdôl nye.’ Yésu a bé pot inyu nyemb Lasarô, ndi bo ba bé hoñol le a bé pot inyu hilo mut a nke inyu noi. Ha nyen Yésu a bi pahle bo le: ‘Lasarô a nwo.’”
