Yésaya 11:1-16
11 Pom+ y’a pémél i kumul i Yésé,+yak man ntjep+ nu a ga o mu minkañ nwé a ga num matam.
2 A ga bana mbuu u Yéhôva,+mbuu u pék+ ni u yi bagal mam,mbuu u maéba ni u lipémba,+mbuu u yi ni u kon Yéhôva woñi.
3 A ga nok maséé i kon Yéhôva woñi.+
A ga kéés bé mut inoñnaga ni yom i nene i mis,a ga kogse bé mut inoñnaga ni yom maôô mé ma nok.+
4 A ga kéés diyeyeba ni telepsép,lôñni maliga nyen a ga kodol mam inyu loñge i bôt ba suhulnyuu ba nkoñ ’isi.
A ga bép hisi lôñni hisôô hi nyo wé,+a nol bibéba bi bôt lôñni nhébék* u bibép gwé.+
5 Telepsép yon y’a ba ngôli i bôbôk yé,yak maliga ma ga ba nye ngôli i tjeñ.+
6 Ngwo-njéé y’a yén ngim ngéda ni man ntômba,+njéé y’a nañal homa wada ni man kembee,man nyaga ni mbondo njéé* ni lém i i gwé mahoñ bi ga ba lôñ;*+ndék mañge yon i ga éga gwo.
7 Nyaga ni ours bi ga kehel bikai homa wada,bon bap ba ga nañal homa wada.
Mbondo njéé i ga je bikai kiki nlôm nyaga.+
8 Man nu ba nyuñus a ga tuk ipañ hôk i nsiñ nyoo,yak man nu ba mal tjilis méé a ga som woo wé i hôk i péé.
9 Bi ga boñ bé mut nye ki nye béba,+bi ga tjé bé to yom yo ki yo i hikôa hiem hipubhaga hiosôna,+inyule hisi hi ga yon ni yi i Yéhôvakiki malép ma nhô tuye.+
10 I yokel nu, nkañ u Yésé+ u ga telep le u ba yimbne* inyu matén.+
Biloñ bi ga hielba i nyeni inyu bat maéba,*+linôyôi jé li ga bana lipém.
11 I yokel nu, Yéhôva a ga sambal woo wé inyu ngélé i nyônôs iba, le bôt ba litén jé ba ba bi yégle, ba nyodi i Asiria,+ i Égiptô,+ i Patros,+ i Kus,+ i Élam,+ i Sinar,* i Hamat ni i biôn bi tuye.+
12 A ga téé yimbne* inyu biloñ, a kot bôt ba Israel ba ba yé nsandak,+ a kot ki bôt ba Yuda ba ba yé ntjamak i makas ma nkoñ ’isi mo ma-na.+
13 Njôñ i Éfraim y’a ba ha bé,+i bôt ba ñoo Yuda ba ga ba ha bé.
Éfraim a ga kil ha bé Yuda njôñ,to Yuda a ga oo ha bé Éfraim.+
14 Ba ga sôs dikôa* di bôt ba Filistia i pes hiôñg;ba ga adba inyu kadal nkus u bôt ba Likôl.
Ba ga sambal moo* inyu jôs Édôm+ bo Môab,+ba bémbe ki Lôk Amôn.+
15 Yéhôva a ga kan pes yada* i tuye* Égiptô,+a pa ki woo wé i ngii Lom.*+
Lôñni nhébék wé* u u nlék, a ga sés diléléba disaambok di Lom,*inyu boñ le bôt ba tagbe ni bitamb bi minkai.
16 Hala nyen njel ikeñi+ y’a nahap inyu minyégla mi bôt ba litén jé ba ba nlôl i Asiria,+kiki njel i bi nahap inyu Israel i kel ba bi nyodi i loñ Égiptô.
Ndoñi
^ Tole “mbuu.”
^ Tole “man mbondo njéé nu a gwé liyéé.”
^ I nla ki ba, “man nyaga ni mbondo njéé bi ga je lôñ.”
^ Tole “kék i i gwé yimbne.”
^ Tole “Biloñ bi ga yéñ nye.”
^ Hala wee, loñ Babilôn.
^ Tole “kék i i gwé yimbne.”
^ Ni hop Lôk Héber, “bituu.”
^ Tole “Ba ga kéñbaha ane yap.”
^ I nla ki ba, “a ga sés.”
^ Ni hop Lôk Héber, “hilémb hi tuye.”
^ Hala wee, Ufraté.
^ Tole “mbuu.”
^ I nla ki ba, “a ga bép Lom le a yila diléléba disaambok.”
