Yésaya 43:1-28
43 Nano, haana nyen Yéhôva a mpot,Nhek woñ a Yakôb, ni nu a bi uñgus we a Israel:+
“U kon bañ woñi, inyule me bi kobol+ we.
Me bi sébél we ni jôl joñ.
U yé wem.
2 I ngéda u mba u nyap malép, me ga ba ni we,+i ngéda u mba u nyap balom, ba ga mil bé we.+
I ngéda u mba u ntagbene i hié, hi ga ligis bé we,to lindômbôô li hié li ga tihba bé we.
3 Inyule men me yé Yéhôva Nyambe woñ,Numpubi nu Israel, Ntohol woñ.
Me mal sem Égiptô le a ba binoñ inyu yoñ,yak Étiôpia ni Séba bon me ga sem, ndi we bé.
4 Inyule u bi yila yom mahee i mis+ mem,me bi ti we lipém, me ngwés+ ki we.
Inyu hala nyen me ga sem matén inyu yoñ,me sem ki biloñ inyu sôñ niñ yoñ.
5 U kon bañ woñi, inyule me yé ni we.+
Me ga héya mbôda* yoñ i i yé i pes likôl,me kot ki mbôda yoñ i i nlôl i pes hiôñg.+
6 M’a kal ñombok le: ‘Nwas bo!’+
Me kal ki nwelmbok le: ‘U tééda bañ bo.
Lona bon bem bôlôm ba ba yé haa, ni bingond gwem bi bi nlôl i makas ma ’isi,+
7 yak ni hiki mut nu a nséblana ni jôl+ jem,ni nu me bi hek inyu lipém jem,me uñgus ki, nu a yé nson wem.’+
8 Pémhana litén li li yé ndim, to hala kiki li gwé mis,li li noga bé, to hala kiki li gwé maôô.+
9 Biloñ gwobisôna bi kodba homa wada,yak matén ma kodba.+
Njee ikété banyambe bap* a nla yelel i jam li?
Baa banyambe bap ba nla añle bés i mam+ ma ga bôña ndék ngéda?
Ba séblak bôt bap ba mbôgi inyu unda le ba mpot maliga,tole bôt bape ba emble bo, ba kal le: ‘Maliga+ ma!’”
10 “Ni yé mbôgi+ yem,” hala nyen Yéhôva a mpot,“ñ, ngwélél wem nu me bi pohol,+inyu boñ le ni yi me, ni hémle me,ni tibil ki yi le me yé nlélém.+
Nyambe to wada a bi ba bé i bisu gwem,numpe a ga ba bé to+ i mbus yem.
11 Me yé Yéhôva;+ handugi me, ntohol+ numpe a ta bé.”
12 “Men me bi añal, men me bi tohol, me bi yis ki bé halai ngéda nkén nyambe a bé bé ipôla+ nan.
Jon ni yé mbôgi yem, me, me yé Nyambe.”+ Hala nyen Yéhôva a mpot,
13 Handugi hala, me yé nlélém;+mut to wada a nla bé kadal yom yo ki yo i woo+ wem.
I ngéda me yé i boñ jam, njee a nla kéñ me njel?”+
14 Yéhôva, Nkobol+ nan, Numpubi nu Israel,+ a nkal le:
“Inyu nan nyen m’a om mut i Babilôn le a bôk bihimbil bi makôga+ gwobisôna;njiiha+ i ga boñ le bôt ba Kaldéa ba lond ikété bisitima gwap.
15 Me yé Yéhôva, Numpubi+ nan, Nhek nu Israel,+ Kiñe+ nan.”
16 Haana nyen Yéhôva a mpot,nu a nkan njel i ñem tuye,nu a néhi nloñ ikété malép+ ma ma gwé ngui,
17 nu a mpémés kak gwét lôñni hosi,+ntôñ gwét ni mimpémba mi bôt ba gwét:
“Ba ga nañal, ba ga telep+ ha bé.
Ba ga lém kiki nsiñga u u loñok, ndi mut a hue wo.”
18 “Ni bigda bañ mam ma bi tagbe,ni hoñol bañ ngéda kôba.
19 Nuna-ki! Me yé i boñ jam li mondo;+nano, li mbôdôl yak nene.
Baa ni ntehe bé jo?
M’a kan njel i nkoñ u u yé nnumuk,+me boñ ki le balom ba tagbe i ñoñ.+
20 Binuga bi bikai bi ga ti me lipém,yak dibaa di njéé ni njok dinuni,inyule m’a lona malép i nkoñ u u yé nnumuk,me lona ki balom i ñoñ,+inyu boñ le litén jem li me bi pohol,+ li nyo malép.
21 Ñ, litén li me bi uñgus inyu yem memede,le ndi li añal lipém+ jem.
22 Ndi u bi lôndôl bé me, a Yakôb;+inyule u bi waa me, a Israel.+
23 U bi lona bé me mintômba inyu sem bisesema gwoñ bi ntul i hié,bisesema gwoñ bi bi ti bé me lipém.
Me bi nyégsa bé we i lona me likébla,me bi wéés bé to we le u lighene me binunumba.+
24 U bi pémés bé moni nwoñ inyu sômbôl me likai li li numb loñge njiñ,u bi ti bé me mahoñ ma bisesema gwoñ le me nuu.+
Ndi u bi yuu me ni bibéba gwoñ,u wéés ki me ni maboñok moñ mabe.+
25 Men me nsas bibéba*+ gwoñ inyu ti jôl jem lipém,+me ga hoñol ha bé to maboñok moñ mabe.+
26 Lok di kaa; hôñlaha me;ti mahoñol moñ inyu unda le wen u mpot maliga.
27 Sôgôlsôgôl woñ nu bisu a bi boñ béba,yak bapôdôl* boñ ba bi ndogbene me.+
28 Inyu hala nyen me ga yilha baane ba homa mpubhaga nyega,m’a boñ le Yakôb a tjiba,m’a boñ ki le bôt ba sol+ Israel.
Ndoñi
^ Ni hop Lôk Héber, “mbôô.”
^ Ni hop Lôk Héber, “Njee ikété yap.”
^ Tole “maboñok moñ ma ndok.”
^ I nene le baniiga mbén Môsi bon ba mpôdôl hana.
