Maʼ xaaneʼ tsʼoʼok u xáantal káajak a biskaba yéetel wa máax, pero ku káajal a tuklik wa unaj u seguer a biskabaʼex. ¿Baʼax unaj a beetik? Le xookaʼ yaan u yáantkech a chʼaʼtukult baʼax unaj a beetik.

Teʼ xookaʼ yaan a wilik:

•  ¿Baʼax unaj in beetik wa yaanten dudas?

•  ¿Baʼax ken in beete?

•  Wa kin chʼaʼtuklik u xuʼulul k-bisikba

 Kéen máanak kʼiin káajak u biskuba juntúul xiʼipal yéetel juntúul x-chʼúupaleʼ ku tsʼáaikoʼob cuenta yaan tiʼ baʼaxoʼob maʼ igual bix u tuukuloʼobiʼ. Por ejemploeʼ:

•   Techeʼ uts ta wich a bin playa, pero letiʼeʼ maas uts tu yich u kʼaj óoltik uláakʼ lugaroʼob.

•   Techeʼ séebaʼan a tsikbal, pero letiʼeʼ jach suʼlak.

•   Techeʼ yaan kʼiineʼ ka tuus, pero letiʼeʼ suuk u yaʼalik u jaajil.

 Chʼaʼ en cuentaeʼ cada junpʼéel tiʼ le baʼaloʼobaʼ ku yeʼesik: yáaxeʼ cada máakeʼ yaanal baʼax uts tu yich. U kaʼapʼéeleʼ cada máakeʼ jelaʼan u modos. Yéetel u yóoxpʼéeleʼ cada máakeʼ maʼ igual u yilik baʼax uts yéetel baʼax kʼaasiʼ.

 Tukult lelaʼ: Wa ka tsʼoʼokok a beeleʼexeʼ, ¿máakalmáak tiʼ le óoxpʼéel baʼaloʼob ka wuʼuyik maʼ tu páajtal a kuxtal tu yéeteloʼ? ¿Máakalmáak jeʼel a aguantartikeʼ?

 Yaan máaxoʼob tsʼokaʼan u beeloʼobeʼ kex maʼ igual baʼax uts tu yichoʼob yéetel bix u modosoʼobeʼ kiʼimak u yóoloʼob. Tumen kex maʼ jach igual bix u tuukuloʼobeʼ jeʼel u kanik u bisubaʼobeʼ. Por ejemploeʼ techeʼ jeʼel u páajtal a beetik le baʼaxoʼob uts tu yich a núupoʼ yéetel a kaanbal tiʼ bix u modos. a

 Chéen baʼaleʼ tu kaʼatúulaleʼexeʼ kʼaʼabéet igual bix a wilkeʼex le baʼax uts yéetel le baʼax kʼaasoʼ yéetel kʼaʼabéet igual xan baʼax ka creerkeʼex. Baʼaleʼ wa ka wilik maʼ beyoʼ kʼaʼabéet a séeb ilik wa yaan a seguer a biskabaʼex.

 Por ejemploeʼ junpʼéel libro ku tʼaan yoʼolal le máaxoʼob tsʼokaʼan u beeloʼoboʼ ku yaʼalikeʼ «tsʼoʼok u yilaʼaleʼ le máaxoʼob ku divorciarkubaʼoboʼ maases letiʼe máaxoʼob maʼ junpʼéeliliʼ baʼaxoʼob ku creerkoʼoboʼ wa maʼ igual u religiónoʼoboʼ» (Fighting for Your Marriage, Luche por salvar su matrimonio).

 Teksto jeʼel u yáantajeʼ: «Maʼ a nupkabaʼex yéetel máaxoʼob maʼatech u meyajtikoʼob Dios. Tumen ¿baʼax yaan yil juntúul máak toj u kuxtal yéetel juntúul máak kʼasaʼan?» (2 Corintios 6:14).

 Le Bibliaoʼ ku yaʼalikeʼ «le máaxoʼob ku tsʼoʼokol u beeloʼoboʼ yaan u yantaltiʼob yaʼab problemas» (1 Corintios 7:28). Le oʼolaleʼ maʼ u jaʼakʼal a wóoleʼex wa ku yantalteʼex problemas le táan a kʼaj óoltikabaʼexoʼ.

 Le problemas ku yantal yaan kʼiinoʼ maʼ u kʼáat u yaʼal wa jach junpuliʼ maʼ kun binteʼex utsiliʼ. Chéen baʼaleʼ tukle: ¿Jeʼel wa u páajtal a wutskíintikeʼex le problema sin ke a baʼateleʼexoʼ? Le oʼolaleʼ wa ku tsʼoʼokol a beeleʼexeʼ kʼaʼabéet a kanik a wutskíint a problemaʼex yéetel jeetsʼelil.

 Teksto jeʼel u yáantajeʼ: «Eʼes a wutsileʼex ta baatsileʼex, paklan chʼaʼ óotsiltabaʼex yéetel paklan perdonartabaʼex tu jaajil a wóoleʼex» (Efesios 4:32).

 Wa mantatsʼ ku yantalteʼex problemas jach graveʼob yéetel maʼ de acuerdoʼex yéetel le baʼax ka chʼaʼtuklikeʼexoʼ, leloʼ ku yeʼesikeʼ maʼ xaaneʼ maʼ kun binteʼex utsil wa ku tsʼoʼokol a beeleʼex. Le oʼolaleʼ maas maʼalob ka a wileʼex baʼax ken a beeteʼex desde beoraaʼ.

 Tukle: Wa tsʼoʼok a tsʼáaik cuenta todavía maʼ preparadoech utiaʼal u tsʼoʼokol a beel yéetel maʼ letiʼe máax yéetel unaj u tsʼoʼokol a beeloʼ jach a tiempo yanilech utiaʼal a wilik baʼax ken a beete.

 Teksto jeʼel u yáantajeʼ: «Le máax yaan u naʼatoʼ ku taʼakikuba kéen u yil junpʼéel peligro, pero le máax maʼ jach yaan u naʼatoʼ ku seguertik u beel, le oʼolal ku yilik u consecuenciail» (Proverbios 22:3).

 U xuʼulul a biskaba yéetel máax uts ta wicheʼ jach yaj, chéen baʼaleʼ wa juntúul tiʼ teʼex ku tsʼáaik cuenta maʼ maʼalob u binteʼex yéetel maʼ kiʼimak a wóoleʼexeʼ maas maʼalob ka xuʼuluk a biskabaʼex.

 ¿Bix túun unaj a beetik? Tu lugar a túuxtik chéen junpʼéel mensaje wa junpʼéel correo electrónicoeʼ maas maʼalob ka a yéey junpʼéel lugar utiaʼal a tsikbaleʼex utiaʼal a waʼaliktiʼ baʼaxten yaan u xuʼulul a biskabaʼex.

 Teksto jeʼel u yáantajeʼ: «Cada juntúuleʼ unaj u yaʼalik u jaajil tiʼ u yéet máakil» (Zacarías 8:16).

 U xuʼulul a biskaba yéetel wa máaxeʼ, ¿u kʼáat wa túun u yaʼal mix baʼal a biilal? Maʼatech. Kʼaʼajaktecheʼ a biskaba yéetel wa máaxeʼ ku yáantkech a wil wa jeʼel u páajtal u tsʼoʼokol a beeleʼexeʼ. Tsʼoʼoleʼ kex ka xuʼuluk a biskabaʼexeʼ seguramenteeʼ yaʼab baʼaloʼob maʼalobtak ken a kan tiʼ le baʼax úuchoʼ.

 Tukult lelaʼ: ¿Baʼax tin kanaj tiʼ le baʼax úuchaʼ? ¿Yaan wa tiʼ baʼax unaj in mejorar? Wa ku káajal in kaʼa biskinba yéetel wa máaxeʼ, ¿baʼax jeʼel in maas maʼalobkíintikeʼ?