Kutheni Sithandaza Egameni LikaYesu?
Impendulo yeBhayibhile
Kufuneka sithandaze kuThixo egameni likaYesu ngenxa yokuba le yekuphela kwendlela ayamkelayo uThixo xa sithandaza Kuye. UYesu wathi: “Ndim indlela nenyaniso nobomi. Akukho bani uzayo kuBawo ngaphandle kokuza ngam.
” (Yohane 14:6) Kwakhona wabaxelela oku abapostile bakhe abathembekileyo: “Inene, inene, ndithi kuni, ukuba nicela nantoni na kuBawo uya kuninika yona egameni lam.
”—Yohane 16:23.
Izizathu ezingakumbi zokuba sithandaze egameni likaYesu
Sinentlonelo ngoYesu nangoYise, uYehova uThixo.—Filipi 2:9-11.
Sibonisa ukuba siyakuxabisa ukufa kukaYesu njengoncedo lukaThixo.—Mateyu 20:28; IZenzo 4:12.
Siyayixabisa indima ekhethekileyo edlalwa nguYesu yokuba “nguMlamli” phakathi kukaThixo nabantu.—Hebhere 7:25.
Siyayihlonela inkonzo kaYesu yokuba nguMbingeleli Omkhulu onokusinceda samkeleke kuThixo.—Hebhere 4:14-16.
Mhlawumbi Ungayithanda Nale
IMIBUZO YEBHAYIBHILE IYAPHENDULWA
Ngaba Ndimele Ndithandaze Kwiingcwele?
Funda eBhayibhile ukuze wazi umntu esimele sithandaze kuye.
IMBONISELO
Kutheni Sifanele Sithandaze Egameni LikaYesu?
Ngobusuku bakhe bokugqibela emhlabeni uYesu wavela nendlela entsha yokusondela kuThixo.
IMBONISELO
Ungathandaza Njani Ukuze Uviwe NguThixo?
Singathetha noThixo kungakhathaliseki ukuba siphi, nini nokuba sithethela ngaphakathi okanye ngaphandle. Kangangokuba noYesu usinceda sizazi izinto esinokuzithandazela.