Yuhanno 14:1-31
14 «Yuragingiz siqilmasin+. Xudoga hamda menga ishoning+.
2 Otamning uyida turar joy ko‘p. Aks holda, sizlar uchun joy tayyorlagani ketyapman+, deb aytarmidim.
3 Agar borib sizlar uchun joy tayyorlasam, yana kelib, men bilan bir joyda bo‘lishingiz uchun sizlarni oldimga olib ketaman+.
4 Boradigan joyimning yo‘lini sizlar bilasiz».
5 To‘ma+ unga: «Hazrat, qayerga ketayotganingizni bilmaymiz-ku. Yo‘lini qanday topa olamiz?» — dedi.
6 Iso quyidagilarni aytdi: «Men yo‘l+, haqiqat+ va hayotdirman+. Mensiz hech kim Otamning oldiga kela olmaydi+.
7 Agar meni bilsangiz, Otamni ham bilasizlar. Bundan buyon esa Uni bilasizlar va Uni ko‘rdingiz»+.
8 Filip unga: «Hazrat, samoviy Otani bizga ko‘rsating, shu biz uchun yetarli»,— dedi.
9 Iso unga shunday dedi: «Filip, shuncha vaqtdan beri men sizlar bilan birgaman-u, haligacha meni bilmadingizmi? Meni ko‘rgan, Otamni ham ko‘rgan bo‘ladi+. Qanday qilib: “Otani bizga ko‘rsating”,— deyapsiz?
10 Yoki Otam men bilan, men esa Otam bilan birlikda+ ekanimga ishonmayapsizmi? Sizlarga aytayotgan so‘zlarimni o‘z ixtiyorim bilan gapirmayapman+. Men bilan birlikda bo‘lgan Otam ishlarini shunday amalga oshiryapti.
11 Ishoning, Otam men bilan, men esa Otam bilan birlikdaman. Bordi-yu, menga ishonmasangiz qilayotgan ishlarimga ishoning+.
12 Sizlarga aytib qo‘yay, menga ishongan kishi, men qilayotgan ishlarni qila oladi va bundan ham ortig‘ini qiladi+, chunki men Otamning yoniga ketyapman+.
13 Shuningdek, mening nomimdan nimaiki tilasangiz, uni bajo keltiraman. Toki Ota O‘g‘li orqali+ ulug‘lansin.
14 Ha, mening nomimdan nimaiki so‘rasangiz, bajo keltiraman.
15 Agar meni sevsangiz, amrlarimga rioya qilasiz+.
16 Men Otamga murojaat qilaman va U toabad sizlar bilan bo‘ladigan boshqa yordamchini* beradi+.
17 Bu yordamchi haqiqatni oydinlashtiradigan muqaddas ruhdir+. Dunyo uni ko‘rmaydi ham, bilmaydi ham+. Sizlar esa uni bilasiz, chunki u sizlar bilan birga va ichingizdadir.
18 Sizlarni yetim qoldirmayman, albatta oldingizga qaytaman+.
19 Yana bir ozdan so‘ng dunyo meni boshqa ko‘rmaydi. Sizlar esa ko‘rasiz+, negaki men yashayapman va sizlar ham yashaysiz.
20 O‘sha kuni men Otam bilan, sizlar men bilan, men esa sizlar bilan birlikda ekanimni bilasiz+.
21 Amrlarimni qabul qilib, ularga amal qilgan kishi meni sevadi. Meni sevganni Otam sevadi. Men ham uni sevib, o‘zimni unga oshkor etaman».
22 Yahudo+ (Ishqariyot emas) bunday deb so‘radi: «Hazrat, nima bo‘ldiki o‘zingizni dunyoga emas, bizga oshkor etmoqchisiz?»
23 Iso javoban dedi: «Meni sevgan, kalomimga rioya qiladi+ va Otam uni sevadi. Biz unikiga kelib, u yerda joylashamiz+.
24 Meni sevmaydigan so‘zlarimga amal qilmaydi. Sizlar eshitayotgan kalom esa meniki emas, meni yuborgan Otamnikidir+.
25 Yoningizda ekanman, bularni sizlarga aytyapman.
26 Yordamchi, ya’ni Otam mening nomimdan yuboradigan muqaddas ruh sizlarga barcha narsani o‘rgatib, aytganlarimning hammasini yodingizga soladi+.
27 Sizlarga tinchlikni qoldiryapman, o‘z tinchligimni sizlarga beryapman+. Uni sizlarga bu dunyo beradigan tarzda bermayapman. Yuraklaringizga g‘ulg‘ula tushib, qo‘rquvdan siqilmasin.
28 Sizlarga: “Men ketyapman va oldingizga yana qaytaman”,— deganimni eshitdingiz. Agar meni sevsangiz, Otamning yoniga borayotganimdan quvonasizlar. Chunki Otam mendan ulug‘roqdir+.
29 Sizlarga bularni sodir bo‘lmasidan oldin aytdim, toki bajo bo‘lganida ishoninglar+.
30 Sizlarga ko‘p gapirolmayman, sababi bu dunyoning hukmdori+ kelyapti. U esa menga hokim emas+.
31 Lekin dunyo men Otamni sevishimni bilishi uchun, Otam menga buyurganiday qilyapman+. Turinglar, ketdik bu yerdan.
Izohlar
^ Yoki «yupatuvchini».