Ishayo 64:1-12
64 Osmonni yorib, pastga tushsang edi,Tog‘lar oldingda larzaga kelardi.
2 Olov shox-shabbani yondirgani,Alanga suvni qaynatgani singari,Isming dushmanlaringga oshkor bo‘lardi,Xalqlar oldingda dir-dir titrardi.
3 Sen xayolimizga kelmagan mahobatli ishlar qilgan eding+.Pastga tushganingda, oldingda tog‘lar larzaga kelgan edi+.
4 Uni intizor bo‘lib kutganlar manfaatini ko‘zlab ish qiladigan+,Unga o‘xshash Alloh yo‘qdir.Azaldan hech kim bunday Xudo to‘g‘risida eshitmagan ham, bilmagan ham.
5 Sen quvonch bilan to‘g‘ri yo‘l tutganlarni qarshi olding+,Seni unutmay, yo‘llaringdan yurganlarga yor bo‘lding.
Ammo biz gunoh qilaverganimizdan g‘azablanding+,Chunki biz uzoq vaqt gunoh qildik.
Endi omon qolishimizga umid bormi?
6 Barchamiz nopok bo‘lib qoldik,Butun odil ishlarimiz hayz lattalari kabidir+.
Barg singari so‘lib qolamiz,Gunohlarimiz bizni shamolday uchirib ketadi.
7 Ismingni chaqiradigan hech kim yo‘q,Senga mahkam yopishishga jon kuydiradigan kimsa yo‘q.Sen yuzingni bizdan yashirding+,Gunohimiz kuchi bilan bizni yo‘q qilib yubormoqchisan.
8 Ammo Sen, ey Yahova, bizning Otamizsan+.
Biz gil, Sen esa Kulolimizsan+.Barchamiz qo‘llaring ijodimiz.
9 Ey Yahova, haddan ortiq g‘azablanma+,Gunohlarimizni abadiy esda saqlab yurma.
O‘tinamiz, xalqing ekanimizni unutma.
10 Muqaddas shaharlaring cho‘lga,
Sion sahroga,Quddus xarobazorga aylandi+.
11 Ota-bobolarimiz Senga hamd-u sano aytganMuqaddas va ulug‘vor ma’badimizYondirib yuborildi+.Biz e’zozlagan barcha narsa vayronaga aylandi.
12 Ey Yahova, bularni ko‘ra turib, bizga yordam qo‘lini cho‘zmaysanmi?
Sukut saqlab, qattiq azob chekishimizga yo‘l qo‘yasanmi?+
