Ishayo 63:1-19
63 Edomdan+, Bozraxdan+ chiqib,Ochiq tusli* kiyimlarda,Serhasham libosda,Buyuk kuch ila kelayotgan kim?
«Bu Menman! Odillik bilan so‘zlaydigan,Buyuk qudratim bilan najot beradigan Xudoman».
2 Nega kiyiming qizil?Nega uzum tepkilayotgan kishinikiday kiyimlaring qip-qizil?+
3 «Men uzumni yolg‘iz O‘zim tepkiladim.
Yonimda hech kimsa yo‘q edi.
Uni qahr bilan tepkiladim,G‘azabga minib ezdim+.
Qoni kiyimlarimga sachrab,Butun libosimni bulg‘adi.
4 Men qasos oladigan kunni belgiladim+,To‘lov evaziga qutqargan kishilarim yili keldi.
5 Atrofga qaradim, lekin yordam beradigan kimsa yo‘q edi,Larzaga keldim, ammo qo‘llaydigan hech kim yo‘q edi.
Shu bois, O‘z qo‘lim Menga g‘alaba keltirdi+,O‘z qahrim Meni qo‘llab-quvvatladi.
6 Xalqlarni g‘azab bilan tepkiladim,Ularga qahrimni ichirdim+,Qonlarini yerga to‘kdim».
7 Yahovaning mehr-sadoqatga to‘la ishlari haqida gapiraman.O‘zining rahm-shafqati va mehr-sadoqati ilaIsroil xonadoniga qilgan barcha ezguliklari,Yahova bizni deb amalga oshirgan barcha ishlari uchun+
Yahovaga hamd-u sano aytaman.
8 Zero, U: «Haqiqatan ular Mening xalqim, xoinlik qilmaydigan o‘g‘illarimdir»+,— degan edi.
Shu sababli, U xalqining Qutqaruvchisi+ bo‘ldi.
9 Ular azob chekkanda, U ham azob chekdi+.
O‘z xabarchisini yuborib, ularni xalos etdi+.
Sevgi va mehr-shafqati ila to‘lov evaziga qutqardi+.Qadim zamonlardan ularni ko‘tarib yurdi+.
10 Biroq ular isyon qilib+, Uning muqaddas ruhini ranjitdi+.
Shunda Alloh ularning dushmaniga aylanib+,Ularga qarshi jang qildi+.
11 Ular o‘tmish zamonlarni,Uning xizmatkori Musoning davrini eslab, shunday dedi:
«Suruvining cho‘ponlari orqali+ xalqini dengizdan o‘tkazgan Xudo+ qani?
Ularga O‘z muqaddas ruhini yog‘dirgan Xudo+ qani?
12 O‘zining ulug‘vor qo‘li bilan Musoning o‘ng qo‘lidan yetaklagan+,Toabad O‘z ismining dong‘ini taratish uchun+,Xalqi oldida suvlarni ikkiga bo‘lgan Tangri+ qani?
13 Ular keng dalada chopayotgan tulporday,Qoqinmay o‘tib ketishi uchun,Jo‘shqin suvlar ichra yo‘l ochgan Xudo qani?
14 Chorva vodiyga borib, tinim topgani kabi,Yahovaning ruhi ularga osoyishtalik baxsh etdi»+.
O‘zingga buyuk nom qozonish uchun+,Xalqingni shu tariqa boshlab yurding.
15 Osmondan nazar solib qara,Yuksak, muqaddas va sharafli maskaningdan qara.
Sening g‘ayrating-u qudrating,Rahm-shafqating-u marhamating qani?+
Nega ularni mendan darig‘ tutyapsan?
16 Axir Sen bizning Otamizsan!+Garchi Ibrohim bizni tanimasa-da,Isroil tan olmasa-da,Sen, ey Yahova, bizning Otamizsan.
Azaldan bizning Xaloskorimizsan+.
17 Ey Yahova, nima uchun bizni yo‘llaringdan adashtirding?
Nega bag‘rimizni tosh qilib, Sendan qo‘rqmay qo‘yishimizga yo‘l qo‘yding?+
Xizmatchilaring haqqi,Merosing bo‘lmish xalqing haqqi bizga yana iltifot ko‘rsat+.
18 Muqaddas xalqing yurtga oz vaqt egalik qildi.
Dushmanlarimiz muqaddas maskaningni toptadi+.
19 Biz, ancha vaqtdan buyon Sen hokimlik qilmagan xalqlarga,Ismingni aytib chaqirmaydigan odamlarga o‘xshab qoldik.
Izohlar
^ Boshqa variant «Qirmizi».
