Ishayo 43:1-28
43 Ey Yoqub, sening Parvardigoring,Ey Isroil, senga shakl bergan Yahova+ bunday demoqda:
«Qo‘rqma, zero Men seni to‘lov evaziga sotib oldim+.
Seni ismingni aytib chaqirdim.
Sen Menikisan.
2 Suvlardan o‘tsang, Men sen bilan bo‘laman+,Daryolardan o‘tsang, suv ostida qolmaysan+.
Olovdan o‘tsang-da, yonmaysan,Alanga seni kuydirmaydi.
3 Chunki Men Tangring Yahovaman,Isroilning Muqaddas Xudosi, Najotkoringman.
Sen uchun Misrni to‘lov sifatida berdim,Seni Habashiston bilan Savoga ayirboshladim.
4 Sen Men uchun qadrlisan+,Seni hurmatga loyiq topdim, seni sevdim+.
Shu bois, o‘rningga xalqlarni,Hayoting evaziga millatlarni beraman.
5 Vahimaga tushma, Men sen bilanman+.
Zurriyotingni* sharqdan olib kelaman,Seni g‘arbdan yig‘ib olaman+.
6 Shimolga: “Ularni qaytar!”+ — deb aytaman.
Janubga esa shunday deyman: “Ularni ushlab turma.
Olisdan o‘g‘illarimni, yerning chekkalaridan qizlarimni+,
7 Ismim bilan atalgan barchani+,Ulug‘vorligimni oshkor etsin deya Men yaratgan,Shakl bergan va bunyod etgan har bir kishini olib kel”+.
8 Ko‘zlari bor bo‘lsa-da, ko‘r,Quloqlari bor bo‘lsa-da, kar odamlarni keltir+.
9 Barcha xalqlar bir joyga to‘plansin,Hamma odamlar birgalikda yig‘ilsin+.
Qani, oralaridan kim buni aytib bera oladi?
Qay biri ilk narsalar* borasida so‘zlay oladi?+
Haq ekanliklarini isbotlash uchun o‘z guvohlarini chaqirsin,Ular tinglab: “Bu haqiqat!”+ — desin».
10 Yahova bunday demoqda: «Sizlar Mening shohidlarimsiz+,Ha, O‘zim tanlagan xizmatchilarimsiz+.Toki Meni tanib-bilib, Menga ishoning,Men hamisha O‘sha ekanimni anglab oling+.
Mendan oldin ham,Mendan keyin ham hech qanday Xudo bo‘lmagan+.
11 Men, Men Yahovaman+, Mendan bo‘lak najotkor yo‘q»+.
12 «Orangizda begona xudo bo‘lmaganda+,Xabarlagan ham, qutqargan ham, bildirgan ham O‘zimman.
Sizlar shohidlarimsiz,— demoqda Yahova,— Men esa Xudoman+.
13 Men doimo O‘sha bo‘lib qolaman+.Hech kim Mening qo‘limdan hech nimani tortib ololmaydi+.
Ishga kirishsam, kim Menga to‘sqinlik qila oladi?!»+
14 Xaloskoring+, Isroilning Muqaddas Xudosi Yahova+ bunday demoqda:
«Sizlar uchun ularni Bobilga otlantiraman-da, darvozalarning barcha surma zulfinlarini buzdiraman+,Xaldeylar o‘z kemalarida qayg‘udan faryod chekadi+.
15 Men sizlarning Muqaddas Xudoyingiz+, Isroilning Yaratuvchisi+, Shohingiz Yahovaman+».
16 Yahova dengizdan yo‘l ochgan,Jo‘shqin suvlar ichra so‘qmoq bunyod etgan+,
17 Jang aravalari-yu otlarni+,Qo‘shin-u qudratli jangchilarni olib chiqadigan Zot shunday demoqda:
«Ular yerga yiqiladi-yu, qaytib turmaydi+.
Yonib bitgan pilikday o‘chib qoladi».
18 «Avvalgi narsalarni yodga olmanglar,O‘tmish bilan yashamanglar.
19 Mana! Men yangi bir narsa yaratyapman+.Bu hozirdan amalga oshyapti.
Nahotki buni ko‘rmayotgan bo‘lsangiz?
Men sahro bo‘ylab yo‘l ochaman+,Cho‘l-u biyobonda daryolar oqizaman+.
20 Dashtning yirtqich hayvonlari,Chiyabo‘rilar-u tuyaqushlar Meni sharaflaydi.Xalqim, Men tanlaganim+, ichsin deya,Men sahroda suvlar+,Cho‘l-u biyobonda daryolar oqizaman.
21 Bu xalqni O‘zim uchun barpo etdim,Toki ular Menga hamd-u sanolar aytsin+.
22 Ammo sen Meni chaqirmading, ey Yoqub+,Chunki sen Mendan charchading, ey Isroil+.
23 Menga butunlay kuydiriladigan qurbonlik uchun qo‘ylar keltirmading,Qurbonliklaring bilan Meni ulug‘lamading.
Menga hadyalar olib kelishga seni majburlamadim.Xushbo‘y smola* kuydirishni so‘rab, seni bezor qilmadim+.
24 Pul sarflab Menga muattar hidli qamish sotib olmading,Qurbonliklaring yog‘lari bilan Meni xushnud qilmading+.
Aksincha, gunohlaring bilan Menga yuk bo‘lding,Qilmishlaring ila Meni toliqtirding+.
25 Men, Men O‘z ismim haqqi+ gunohlaringni o‘chirib yuboraman+,Qilmishlaringni yodga olmayman+.
26 Kel, ikkimiz masalamizni o‘rtaga qo‘yaylik,Haqligingni isbotlash uchun dalillar keltir, yodimga sol.
27 Sening ilk otang gunoh qildi,Vakillaring* Menga qarshi isyon ko‘tardi+.
28 Shu bois, Men muqaddas joydagi beklarni bulg‘ayman,Yoqubni halokatga duchor qilaman,Isroil aholisini tahqirlanishga mahkum etaman+.
Izohlar
^ So‘zma-so‘z «Urug‘ingni».
^ Ehtimol, kelajakda yuz beradigan ilk narsalarga tegishli.
^ Ehtimol, Qonun o‘rgatuvchilar nazarda tutilgan.
