Ishayo 2:1-22
2 Omiz o‘g‘li Ishayo Yahudo va Quddus haqida quyidagi vahiyni ko‘rdi+:
2 Oxirgi kunlardaYahovaning uyi turgan tog‘,Tog‘ cho‘qqilaridan ham balandroq o‘rnatiladi+.U tepaliklar uzra yuksaladi,Barcha xalqlar uning oldiga oqib keladi+.
3 Ko‘p xalqlar borib, shunday deydi:
«Keling, Yahovaning tog‘iga,Yoqub Xudosining uyiga chiqaylik+.
U bizga O‘z yo‘llarini o‘rgatadi,Biz Uning so‘qmoqlaridan yuramiz»+.
Chunki qonun Siondan,Yahovaning so‘zi Quddusdan chiqadi+.
4 U xalqlar orasida hakam bo‘lib,Ko‘plab xalqlarga oid masalalarni hal qiladi.
Ular qilichlarini omochga,Nayzalarini o‘roqga aylantiradi+.
Xalq xalqga qarshi qilich ko‘tarmaydi,Ular jang qilishni boshqa o‘rganmaydi+.
5 Ey, Yoqub xonadoni,Keling, Yahovaning nurida yuraylik+.
6 Sen xalqingni, Yoqub xonadonini tark etding+.Chunki ular Sharqdan ko‘p narsani o‘rgandi,Ular filistimliklar kabi sehr-jodu+ bilan shug‘ullanmoqda,Oralarida musofirlarning bolalari ko‘payib ketdi.
7 Yurtlari oltinu kumushga boy,Xazinalarining hisobi yo‘q.
Yurtlari otlarga to‘la,Aravalari esa behisob+.
8 Yurtlari foydasiz xudolarga to‘la+.
Ular o‘z qo‘llarining ijodlariga,Barmoqlari bilan yasagan narsalarga sajda qilmoqda.
9 Inson kamsitilib, yerga urilmoqda.Sen ularni kechira olmaysan.
10 Yahovadan qo‘rqing,Uning mahobatli ulug‘vorligidan+Qoya ichiga kiring, yer ostiga yashirining.
11 Takabbur odam bo‘ysundiriladi,Mag‘rur odamlar kamsitiladi.
O‘sha kuni tanho Yahova yuksaladi.
12 Chunki bu — Qo‘shinlar Sarvari Yahovaning kuni+.
U takabbur va mag‘rur bo‘lgan barchaning,Ham asilzoda, ham oddiy odamning boshiga tushadi+.
13 Livanning* baland va yuksak kedr daraxtlari-yuBashanning barcha eman daraxtlari ham qutula olmaydi.
14 Jamiki baland tog‘lar-uYuksak tepaliklar ham,
15 Hech bir yuqori minora-yu mustahkam devor ham,
16 Barcha Tarshish kemalari-yu+Qimmatbaho qayiqlar ham qutula olmaydi.
17 Takabburlar bo‘ysundiriladi,Mag‘rur odamlar kamsitiladi.
O‘sha kuni tanho Yahova yuksaladi.
18 Foydasiz xudolar butunlayin yo‘q qilinadi+.
19 Yahova yer yuzini larzaga keltirish uchun qo‘zg‘alganda,Odamlar Undan qo‘rqganidan,Uning mahobatli ulug‘vorligidan+Qoyalardagi g‘orlarga kiradi,Chuqurliklarga yashirinadi+.
20 O‘sha kuni odamlar sajda qilish uchun,Kumush-u oltindan yasalgan foydasiz xudolarni olib,Yerqazarlar-u* ko‘rshapalaklarga uloqtiradi+.
21 Yahova yer yuzini larzaga keltirish uchun qo‘zg‘alganda,Odamlar Undan qo‘rqganidan,Uning mahobatli ulug‘vorligidanQoyalardagi g‘orlarga,Cho‘qqilar yoriqlariga yashirinadi.
22 O‘z foydangiz uchun odamga tayanmang,Axir u dimog‘dagi nafas kabidir.
Undan qanday naf bor?