Mmebusɛm 20:1-30
20 Nsã* yɛ ɔfɛwdifo,+ nsã a ano yɛ den yɛ basabasa;+Obiara a odi akyi fom kwan no, onnim nyansa.+
2 Ɔhene ho hu te sɛ gyata* mmobom;+Obiara a ɔhyɛ no abufuw no, ɔde ɔno ara ne nkwa di agoru.+
3 Ɛyɛ anuonyam ma onipa sɛ ɔbɛtwe ne ho afi akasakasa ho,+Na obiara a ɔyɛ ɔkwasea de, ɔde ne ho gye mu.+
4 Ɔkwadwofo mfuntum asaase awɔwbere,*Enti sɛ edu twabere a onni hwee a, ɔbɛsrɛsrɛ ade.*+
5 Onipa komam nsusuwii* te sɛ nsu a emu dɔ,Nanso onipa a ɔwɔ nhumu bɛsaw.
6 Nnipa pii bɔ wɔn dɔ a enni huammɔ ho dawuru,Nanso onipa a ɔyɛ nokwafo de, ne ho yɛ na!
7 Ɔtreneeni abrabɔ di mu.+
Ne mma* a wɔbɛba wɔ n’akyi no ani begye.+
8 Sɛ ɔhene tena ahengua so sɛ ɔrebu atɛn a,+Ɔde n’ani huhuw asɛm so yiyi bɔne nyinaa gu.+
9 Hena na obetumi aka sɛ: “Matew me komam;+Me ho atew afi me bɔne ho”?+
10 Nsisi nkaribo ne nsisi susude;*Ne nyinaa yɛ Yehowa akyiwade.+
11 Abofra mpo, wɔde ne nneyɛe na ehu no;Ɛno na wɔde hu sɛ ne suban ho tew, na eye.+
12 Aso a ɛte asɛm ne ani a ehu ade;Yehowa na ɔyɛɛ abien no nyinaa.+
13 Mma nna nnyɛ wo dɛ, anyɛ saa a, wubedi hia.+
Bue w’ani, na aduan bɛmee wo.+
14 Nea ɔretɔ ade ka sɛ: “Enye, enye!”Afei ofi hɔ kɔ, na ɔhoahoa ne ho.+
15 Sika kɔkɔɔ wɔ hɔ, na ɛpo mu abohene* pii nso wɔ hɔ,Nanso ano a ɛma nimdeɛ yɛ ade a ɛsom bo.+
16 Sɛ ɔbarima di agyinam ma ɔhɔho a, gye ne ntama;+Sɛ odii agyinam maa ɔbea hɔho* a, ɛnde gye ade a ɔde sii awowa no fi ne nsam.+
17 Aduan a wɔnam nnaadaa so nya no, ɛyɛ onipa dɛ,Nanso akyiri yi, mmosea bɛyɛ n’anom ma.+
18 Adwentoatoa* na ɛma nhyehyɛe gyina;+Fa akwankyerɛ pa kɔ wo ko.+
19 Nea ɔsɛe nkurɔfo din no, ɔnenam na ɔreyi kokoam nsɛm* adi;+Wo ne obi a ɔpɛ nseku* mmmɔ.
20 Obiara a ɔdome ne papa ne ne maame no,Sɛ esum ba a, ne kanea bedum.+
21 Agyapade a wɔde adifudepɛ nyae mfiase no,N’awiei renyɛ nhyira.+
22 Nka sɛ: “Metua bɔne so ka!”+
Fa w’ani to Yehowa so,+ na obegye wo.+
23 Nsisi nkaribo* yɛ Yehowa akyiwade,Na nkontompo nsenia* nye.
24 Yehowa na ɔkyerɛ sɛnea onipa betutu n’anammɔn;+Onipa de, ɛbɛyɛ dɛn na wate ɔno ara ne kwan ase?*
25 Ɛyɛ afiri ma onipa sɛ ɔbɛpere ne ho aka sɛ, “Ɛyɛ ade kronkron!”+
Ansa na akyiri yi wasusuw ne bɔhyɛ no ho.+
26 Ɔhene nyansafo huhuw so yi abɔnefo gu,+Na ɔde afiri a wɔde porow hwiit fa wɔn so.+
27 Onipa ahome te sɛ Yehowa kanea,Ɛhwehwɛ nea ahintaw biara wɔ onipa mu.
28 Ɔdɔ a enni huammɔ ne nokware bɔ ɔhene ho ban;+Ɔdɔ a enni huammɔ na ɛma n’ahengua tim.+
29 Mmerante anuonyam ne wɔn ahoɔden,+Na nkwakoraa anuonyam ne wɔn ti so dwen.+
30 Akuru ne opira yi bɔne;*+Na ɔhwe hohoro onipa mu tɔnn.
Ase Hɔ Nsɛm
^ Anaa “Bobesa.”
^ Anaa “gyatanini a ne ho yɛ den.”
^ Anaa “nnɔw awɔwbere.”
^ Ebetumi nso akyerɛ, “Edu twabere a wɔbɛhwehwɛ, nanso wɔrennya hwee.”
^ Anaa “adwene.” Nt., “agyinatu.”
^ Nt., “mma mmarima.”
^ Anaa “Nkaribo ahorow abien ne efa susude ahorow abien.”
^ Hwɛ Nkyerɛkyerɛmu afã hɔ.
^ Anaa “ɔhɔho.”
^ Anaa “Agyinatu.”
^ Anaa “ahintasɛm.”
^ Anaa “obi a ɔpɛ nkɔnkɔnsa; obi a ɔde n’ano dɛfɛdɛfɛ nkurɔfo.”
^ Anaa “Nkaribo ahorow abien.”
^ Ade a wɔde susuw biribi mu duru.
^ Anaa “wahu ɔkwan a ɛsɛ sɛ ɔfa so?”
^ Anaa “twiw bɔne ho.”