Mukhumbika kuphwere vinthu vinu nge nyumba kweniso galimotu yinu. Ndimu so viliri ndi ubwezi winu ndi Chiuta. Kumbi mungachita wuli kuti mulutirizgi kuja paubwezi wakukho ndi Chiuta asani mwabatizika?

Munkhani iyi tikambiskanengi fundu izi:

•  Mulutirizgengi kusambira Mazu ngaku Chiuta

•  Mulutirizgengi kupemphera kwaku Yehova

•  Mulutirizgengi kukambiyaku anyinu vo mugomezga

•  Mulutirizgengi kuchita maunganu nga Chikhristu

 Lemba: “Muchilutirizga kupasa vipasu mu ntchitu yeyosi yamampha ndipuso kuti musazgiyengeku kuziŵa Chiuta mwauneneska.”—Akolose 1:10.

 Vo lemba ili ling’anamuwa: Asani mwabatizika, mukhumbika kulutirizga kuŵerenga Bayibolu ndipuso kuŵanaŵaniyapu pa vo mwasambira.—Salimo 25:4; 119:97.

 Vo vingachitika: Nyengu zinyaki, vingaŵa kuti mukhumba cha kusambira. Mungaŵanaŵana kuti kusambira ntchigaŵa chinu cha.

 Vo mungachita: Musambirengi nkhani zinandi za mu Bayibolu zo zitikukondwesani. Mujengi ndi pulogilamu yinu yakusambira pakumwija yo yingaja mphingu cha kwaku yimwi. Asani musambira, chilatu chinu chijengi kwanja Yehova ndipuso Mazu ngaki. Kusambira kwaviyo nkhwakovya kweniso nkhwakukondwesa.—Salimo 16:11.

 Fundu yakukhumbika: Kuti mukondwengi ndikusambira, muyesesengi kusaniya malu ngambula viwawa ngo palivi vakukutimbanyizgani.

 Kumbi mupenja chovyu?

•   Ŵerengani:

   “Kumbi Bayibolu Lingandiwovya Wuli?—Chigaŵa Chachiŵi: Vo Mungachita Kuti Mukondwengi Pakuŵerenga Bayibolu”

   “Kumbi Ndingachita Wuli Kuti Ndiŵikengi Maŵanaŵanu pa vo Ndichita?”

•   Woneriyani:

   Vo Achinyamata Anyinu Akamba—Kuŵerenga Bayibolu

•   Pangani dawunilodi:

   “Ndondomeku Yakuŵerenge Bayibolu”

 Lemba: “Mungafipanga mtima ndi chinthu chechosi cha, kweni pa chinthu chechosi, mwa pempheru ndi kuŵeyere limoza ndi kuwonga, vo mupempha viziŵiki kwaku Chiuta.”—Afilipi 4:6.

 Vo lemba ili ling’anamuwa: Kukambiskana ndi Chiuta kung’anamuwa kuti iyu wakambiskana namwi ndipu yimwi mukambiskana nayu. Mutimuvwisiya asani muŵerenga Mazu ngaki, penipo yimwi mukambiskana nayu asani mupemphera. Ziŵani kuti asani mupemphera, mungamupempha Chiuta kuti wakuwovyeni ndipuso kumuwonga chifukwa cha vitumbiku vo wakupaskani.

 Vo vingachitika: Nyengu zinyaki mungajivwa kuti muwerezawereza waka mapempheru nginu. Mungayamba kukayikiya asani Yehova wavwisiya nadi pamwenga asani wakhumba nadi kukuvwisiyani.—Salimo 10:1.

 Vo mungachita: Zuŵa lelosi muŵanaŵaniyengi vinthu vo mungamupempha Chiuta. Asani mwe pamalu po kungaŵa kwakusuzga kupereka pempheru litali, mungachita umampha kupemphera mazulu nga zuŵa lenilo. Mupemphengi vinthu vo muwona kuti vakukhumbika ukongwa kwaku yimwi kweniso mupempheriyengi anyinu.—Afilipi 2:4.

 Fundu yakukhumbika: Asani muwona kuti mapempheru nginu ngaja ngakuwerezawereza, mumukambiyengi Yehova nkhani yeniyi. Iyu wakhumba kuziŵa vosi vo vitikufipisani mtima, kusazgapu vo mufipa navu mtima pankhani ya mampempheru nginu.—1 Yohane 5:14.

 Kumbi mukhumba chovyu?

•   Ŵerengani:

   “Ntchifukwa Wuli Nditenere Kupemphera?”

•   Pangani dawunilodi:

   “How to Improve Your Prayers”

 Lemba: “Nyengu zosi uphweriyengi ndi vo uchita ndipuso vo usambiza. . . . Pakuti asani uchita viyo, ujitaskengi wamweni ndipuso utaskengi wo atuvwa vo usambiza.”—1 Timote 4:16.

 Vo lemba ili ling’anamuwa: Asani mukambiyaku anyinu vo mugomezga, chivwanu chinu chija chakukho. Venivi vingachitiska kuti mutaski umoyu winu ndipuso wa ŵanthu wo atuvwa vo musambiza.

 Vo vingachitika: Nyengu zinyaki mungajivwa kuti mukhumba cha kukambiyaku anyinu vo mugomezga. Mungachita mantha kupharazga, ukongwa kusukulu.

 Vo mungachita: Mungazomerezanga cha kuti vinthu vinyaki nge mantha vikuweziyeni vuli, yimwi ndimwi mulamuliyengi vakuchita vinu. Wakutumika Paulo wangulemba kuti: “Asani [ndipharazga uthenga wamampha] mwambula kukhumba napu, uteŵeti wakuwonere wo ndikupaskika ndeche nawu mbwenu.”—1 Akorinto 9:16, 17.

 Fundu yakukhumbika: Mwakuzomerezeka ndi apapi ŵinu, saniyani munthu yo wangakuwovyani ndipuso yo wangaja chakuwoniyapu chamampha kwaku yimwi. Munthu mwenuyu watenere kuja Kaboni yo ntchakuwoniyapu chamampha pa ntchitu ya kupharazga.—Nthanthi 27:17.

 Kumbi mukhumba chovyu?

•   Ŵerengani:

   “N’chifukwa Chiyani Ndimaopa Kuuza Ena za Chikhulupiriro Changa?”

 Lemba: “Ndipu tiyeni tiŵanaŵaniyanengi kuti tichiskiyani ku chanju ndi ku ntchitu zamampha, ndipu tingalekanga cha kuwungana pamoza.”—Aheberi 10:24, 25.

 Vo lemba ili ling’anamuwa: Tiluta ku maunganu kuti tikasopi Yehova. Kweni pe vinthu viŵi vamampha vo vichitika asani taluta kumaunganu. Chakwamba, abali ndi azichi atikuchiskani kumaunganu. Chachiŵi, yimwi mutiŵachiska asani mwaluta kumaunganu kweniso asani mupereka ndemanga pa maunganu.—Aroma 1:11, 12.

 Vo vingachitika: Nyengu zinyaki, asani mwe pa maunganu mungayamba kuŵanaŵana vinthu vinyaki. Venivi vingachitiska kuti muleki kusambira vinthu vakukhumbika. Pamwenga mungaleka kusanirika pa maunganu ngosi. Mungayamba kuŵika mtima winu wosi pa vinthu vinyaki nge homuweki ya kusukulu vo vingakuchitiskani kuti muleki kusaniya nyengu yakuchitiya maunganu.

 Vo mungachita: Chinanga kuti mukhumbika kulemba homuweki ya kusukulu kweni nyengu zosi muwunganengi ndipu muyesesengi kuyanduwa nangu. Muyesesengi kusoska manja pa maunganu kuti mupereki ndemanga. Asani maunganu ngamala, mungawonga munthu yumoza chifukwa cha ndemanga yo wangupereka.

 Fundu yakukhumbika: Munozgekiyengi limu mwechendaluti kumaunganu. Pangani dawunilodi app ya JW Library® ndipuso mugwiriskiyengi ntchitu kachigaŵa kakuti “Meetings” kuti muwoni vo musambirengi pa maunganu.

 Kumbi mukhumba chovyu?

•   Ŵerengani:

   “N’chifukwa Chiyani Ndiyenera Kumapita ku Misonkhano ya Mpingo?”