Diane 19:1-29
19 Go botoka go humanega mme o dira se se siameng+Go na le go nna sematla e bile o bua maaka.+
2 Ga go a siama gore motho a se ka a nna le kitso,+E bile yo o dirang dilo ka lepotlapotla* o a leofa.
3 Boeleele jwa motho bo mo faposetsa mo tseleng e e sa siamang,E bile pelo ya gagwe e galefela Jehofa.
4 Khumo e ngoka ditsala tse dintsi,Mme motho yo o humanegileng o tlogelwa le ke tsala ya gagwe.+
5 Mosupi yo o buang maaka ga a kitla a tlogelwa a sa otlhaiwa,+E bile motho yo o nnang a bua maaka ga a kitla a falola.+
6 Batho ba le bantsi ba batla go amogelwa ke motlotlegi,*E bile mongwe le mongwe ke tsala ya motho yo o abang dimpho.
7 Bomorwarraagwe mohumanegi botlhe ba mo tlhoile;+Ditsala tsa gagwe tsone di mo katogile le go feta!+
O nna a ba kopa gore ba mo thuse, mme ga go ope yo o mo thusang.
8 Ope fela yo o senkang botlhale* o a ithata.+
Ope fela yo o ratang temogo o tla atlega.*+
9 Mosupi yo o buang maaka ga a kitla a tlogelwa a sa otlhaiwa,E bile motho yo o nnang a bua maaka o tla nyelela.+
10 Sematla ga se tshwanelwe ke go nna mo manobonobong;Ruri ga go tshwanele le e seng gore motlhanka a buse dikgosana!+
11 Motho yo o nang le temogo ga a galefe ka bonako,+E bile o tla tlotlwa fa a tlhokomologa* molato.+
12 Bogale jwa kgosi bo tshwana le go duma ga tau,*+Mme fa a itumelela motho, go tshwana le monyo mo dimeleng.
13 Morwa yo o sematla o tlisetsa rraagwe matshwenyego,+E bile mosadi yo o ratang go omana* o tshwana le borulelo jo bo sa kgaotseng go nela.+
14 Ntlo le dikhumo ke boswa jo bo tswang mo go borre,Mme mosadi yo o botlhale o tswa kwa go Jehofa.+
15 Botshwakga bo tlisa boroko jo bogolo,E bile motho yo o dirang a ikgoga fela o tla tshwarwa ke tlala.+
16 Yo o bolokang ditaelo o boloka botshelo* jwa gagwe;+Yo o botlhaswa mo ditseleng tsa gagwe o tla swa.+
17 Motho yo o utlwelang batho ba maemo a a kwa tlase botlhoko o adima Jehofa,+Mme o tla mo duela ka ntlha ya se a se dirang.+
18 Otlhaya morwao go sa ntse go na le tsholofelo;+Mme o se ka wa eletsa go mmona a sule.+
19 Motho yo o galefang motlhofo o tla duedisiwa molato;Fa o leka go mo sireletsa, o tla tshwanelwa ke go dira jalo gangwe le gape.+
20 Reetsa kgakololo mme o amogele kotlhao,+Gore o tle o nne botlhale mo nakong e e tlang.+
21 Go na le dithulaganyo tse dintsi mo pelong ya motho,Mme kgakololo* ya ga Jehofa ke yone e e tla atlegang.+
22 Selo se se eletsegang mo mothong ke lorato lwa gagwe lo lo sa kgaotseng;+E bile go botoka go humanega go na le go nna moaki.
23 Go boifa Jehofa go isa kwa botshelong;+Motho yo o mmoifang o tla robala monate, a sa utlwisiwe botlhoko ke sepe.+
24 Setshwakga se tsenya seatla mo sekotleleng sa dijo,Mme ga se itshwenye ka go isa seatla kwa molomong.+
25 Itaya mosotli,+ gore motho yo o se nang maitemogelo a tle a nne botlhale+O bo o kgalemele motho yo o tlhaloganyang, gore kitso ya gagwe e tle e oketsege.+
26 Motho yo o tshwarang rraagwe setlhogo e bile a leleka mmaagweKe morwa yo o bakang matlhabisaditlhong le tlontlologo.+
27 Morwaaka, fa o tlogela go reetsa kotlhao,O tla fapoga mo mafokong a kitso.
28 Mosupi yo o se nang mosola o sotla tshiamiso,+E bile motho yo o bosula o itumelela go dira bosula jaaka e kete o ja dijo tse di monate.+
29 Basotli ba letetswe ke katlholo,+Mokwatla wa dimatla one o letetswe ke dithupa.+
Dintlha Tse di Kwa Tlase
^ Seheb., “yo o potlakang ka dinao tsa gagwe.”
^ Kgotsa “motho yo o pelotshweu.”
^ Seheb., “o tla bona molemo.”
^ Seheb., “yo o senkang pelo.”
^ Seheb., “fetisa.”
^ Kgotsa “tawana e e seriri.”
^ Kgotsa “yo o nnelang go tshwayatshwaya diphoso.”
^ Seheb., “ne′phesh.” Bona Ditlhaloso Tsa Mafoko.
^ Kgotsa “boikaelelo.”