Hawa (Rimliler 15:4). Geliň, haýsy aýatlaryň kynçylyga uçran we hasrat çekýän adamlaryň kalbyna rahatlyk berýändigini bileliň.

Makalada şulara serederis:

•  Kynçylyk

•  Dogan-garyndaşlaryň ölümi

•  Özüňi çendenaşa günäkärlemek

•  Gaýgy-alada batmak

•  Keselçilik

•  Göwnüçökgünlik

•  Uruşlar

•  Ertirki güni alada etmek

 Zebur 23:4. «Tüm-garaňky jülgeden ýöresem-de, ýüregimde hiç hili gorky ýokdur. Sebäbi sen meniň ýanymdasyň».

 Manysy: Mukaddes Kitaby okasak we Hudaýdan kömek sorap doga etsek, ol bize ýol görkezer we kynçylyklara çydamaga güýç berer.

 Filipililer 4:13. «Maňa güýç berýän Hudaý arkaly ähli zada güýjüm ýetýändir».

 Manysy: Allatagala her dürli kynçylyklary ýeňip geçmäge kömek edýär.

 Nesihat 9:10. «Mazarda ne iş, ne maksat-myrat, ne bilim, ne-de akyldarlyk bardyr».

 Manysy: ölen adamlar bize kömegem edip bilmeýär, zyýanam ýetirip bilmeýär. Olaryň özem hiç ýerde ejir çekmeýär, hiç zady bilmeýär.

 Resullar 24:15. «Men Hudaýyň... direltmegine sabyrly garaşýaryn».

 Manysy: Hudaýyň aradan çykan dogan-garyndaşlarymyzy direltmäge güýji ýetýär.

 Zebur 86:5. «Ýehowa a, sen ýagşy, geçirimli, özüňi çagyrýanlardan wepaly söýgiňi gaýgyrmaýarsyň».

 Manysy: ýalňyşyna düşünip toba edýän adamlary Hudaý bagyşlaýar we olaryň gaýdyp günä etmegini islemeýär.

 Zebur 103:12. «Gündogaryň günbatardan uzak bolşy ýaly, günälerimizi şonça-da daşlaşdyrýar».

 Manysy: Hudaý bagyşlanda bizi günäden doly arassalaýar. Ol günämizi hiç haçan ýüzümize basmaýar ýa-da hemişe jeza berip ýörmeýär.

 Zebur 31:7. «Sen agyr halymy görýärsiň, kalbymyň derdini bilýärsiň».

 Manysy: Hudaý çekýän derdimizi, ýürek ýaralarymyzy görýär. Başgalar ýagdaýymyza düşünmese-de, ol gowy düşünýär.

 Zebur 34:18. «Ýehowa ýüregi ýaraly adama ýakyndyr, göwnüçökgünleri halas edýär».

 Manysy: gaýgy-gama batanymyzda Hudaý bizi goldar, gaýgy-aladalaryň içine çümüp gitmez ýaly, güýç-gaýrat berer.

 Zebur 41:3. «Syrkawlanda Ýehowa goldar».

 Manysy: keselleseňiz, Allatagala ýüregiňize giňlik, sabyr, çydam, güýç we dogry hereket etmäge akyldarlyk berer.

 Işaýa 33:24. «Hiç bir adam: „Men syrkaw“ diýmez».

 Manysy: Ýehowa gelejekde ähli adamlary tut ýaly sagdyn eder.

 Zebur 94:19. «Meni gaýgy-alada basanda, sen göwünlik berdiň, janym aram tapdy».

 Manysy: göwnüçökgünlige düşenimizde Hudaýa dileg etsek, ol aýaga galmaga kömek eder.

 1 Petrus 5:7. «Gaýgy-aladaňyzy Hudaýyň üstüne atyň, sebäbi ol siziň aladaňyzy edýär».

 Manysy: kynçylyklardan ýadap, halys tapdan düşeniňizde, Ýehowa görýär, derdiňizi deň çekişýär. Hudaý siziň ýüregiňizi dökmegiňizi isleýär.

 Zebur 46:9. «Ol ýeriň dört künjeginde uruşlary togtadýar».

 Manysy: Hudaý gökdäki Patyşalygy arkaly tizden ähli uruşlaryň soňuna çykar.

 Zebur 37:11, 29. «Ýumşaklar bolsa ýeri miras alar, parahatlykda ýaşap, döwran sürer... Dogruçyl adam ýeri miras alar, onda ebedi ýaşar».

 Manysy: gowy adamlar ýer ýüzündäki Jennetde durmuşyň hözirini görüp, ebedi ýaşar.

 Ýermeýa 29:11. «Men size ýagşylyk isleýärin — muny Ýehowa aýdýar. — Ýagty gelejege umydyňyz bolar ýaly, men size betbagtçylyk däl-de, parahatlyk bererin».

 Manysy: Allatagala gowy gelejegi wada berýär.

 Ylham 21:4. «Hudaý olaryň gözlerinden ýaşlaryny süpürer. Indi ne ölüm, ne hasrat, ne agy, ne-de agyry bolar, sebäbi öňki zatlar geçip gitdi».

 Manysy: Ýehowa gözýaş dökmegimize sebäp bolýan her bir ýagdaýy düzeder. Gelejekde hemme zat gülala-güllük bolar.