Zebur 41:1—13
Aýdymçylaryň ýolbaşçysyna. Dawudyň aýdymy.
41 Ejizleri goldaýan adam bagtlydyr+.Ýehowa kyn gününde ýardam eder.
2 Ýehowa onuň janyny sag, başyny aman saklar,
Adamlar oňa bagtly diýerler+.Hudaý ony duşmanyň eline bermez+.
3 Syrkawlanda Ýehowa goldar+,Keselläp ýatanda aladasyny eder*.
4 Men: «Eý Ýehowa, maňa rehim et!+
Saňa garşy günä etdim+, derdime derman eýle» diýdim+.
5 Duşmanlar maňa gargap:
«Ol haçan öler? Ady haçan ýitip gider?» diýýärler.
6 Olardan biri ýaranjaňlyk edip,
Halymy soramaga gelýär.Gep-gybat toplaýar, ulus-ile jar edýär.
7 Bir-birine pyşyrdaşyp,Maňa ýamanlyk diläp diýýärler:
8 «Başyna elhenç bela indi,Agyr ýatyr, ol indi aýaga galmaz»+.
9 Ýakyn dostum, ynamdar dostum+,Bile çörek iýenim arkamdan pyçak sokdy*+.
10 Eý Ýehowa, maňa rehim et!Meni aýaga galdyr, olaryň başyny owradaýyn.
11 Duşmanlarym ýeňiş gazanyp, heşelle kakmasyn,
Şonda menden razydygyňy bilerin+.
12 Wepaly* bolanym üçin, meni goldarsyň+,Huzuryňda ebedilik duraryn+.
13 Ýehowa şöhrat bolsun!Ysraýyl Hudaýyna ebedilik alkyş bolsun!+
Omyn, omyn!
Çykgytlar
^ Sözme-söz: düşegini bütinleý çalşyrar.
^ Sözme-söz: maňa garşy ökjesini galdyrdy.
^ Ýa-da: Aýypsyz.