Zebur 37:1—40
Dawudyň aýdymy.
א [Elip]
37 Zalym adamlar üçin janyňy ýakma,Günä edýän adamlara göriplik etme+.
2 Olar ot kimin tiz gurar+,Gök maýsa kimin solar.
ב [Bet]
3 Ýehowa bil bagla, ýagşy işleri et+,Wepaly bolup, uzak ömür sür+.
4 Ýehowanyň işlerine ýürekden şatlan,Ol seni arzuwyňa ýetirer.
ג [Gimel]
5 Goý, Ýehowa saňa ýol görkezsin+,Hudaýa bil bagla, ol saňa ýardam eder+.
6 Şonda dogruçyllygyň daň şapagy kimin,Adalatyň Gün kimin şöhle saçar.
ד [Dal]
7 Ýehowanyň huzurynda ümsüm bol+,Sabyrly garaş.
Erbet adamyň işi oňuna bolanda,Janyňy ýakma+.
ה [He]
8 Gahar-gazaba münme+,Ruhdan düşüp, egri ýola sowulma*.
9 Sebäbi zalymlar ýok ediler+,Ýehowa umyt baglaýanlar ýeri miras alar+.
ו [Waw]
10 Ýene biraz wagtdan erbet ýok bolar+.Onuň ýerine seredersiň, emma ol ýokdur+.
11 Ýumşaklar bolsa ýeri miras alar+,Parahatlykda ýaşap, döwran sürer+.
ז [Zaýn]
12 Erbet adam dogruçyla duzak gurýar+,Oňa dişini gyjaýar.
13 Emma Ýehowa zalymyň üstünden gülýär,Onuň heläk boljak gününi bilýär+.
ח [Het]
14 Erbet adam ýaýyny çekip, gylyjyny gynyndan çykarýar,Pukaranyň, ezileniň janyny alyp,Dogruçylyň başyny kesmek isleýär.
15 Emma gylyjy öz gursagyna sanjylar+,Ýaýy bölek-bölek ediler.
ט [Tet]
16 Dogruçylyň sanlyja maly,Erbetleriň mal-mülkünden gowudyr+.
17 Erbetleriň goly döwler,Ýehowa dogruçyllara hemaýat eder.
י [Ýod]
18 Ýehowa bigünäleriň çekýän derdini bilýär.Olaryň mirasy nesilden-nesle geçýär+.
19 Olar heläkçilik döwri utanja galmaz,Açlyk döwri saçaklary doly bolar.
כ [Käp]
20 Erbetler ýok bolar+,Ýehowanyň duşmanlary guran öri meýdan ýaly bolar.Olar tüsse kimin gaýyp bolar.
ל [Lam]
21 Erbet adam karz alar, yzyna bermez,Dogruçyl bolsa jomartdyr, hiç gysganmaz+.
22 Hudaýyň ýalkan adamy ýeri miras alar,Allanyň gargan adamy ýok bolar+.
מ [Mim]
23 Ýehowa ynsanyň ýöreýän ýolundan razy bolsa+,Onuň ädimlerini ugrukdyrar+.
24 Ol büdrese-de, ýykylmaz+,Sebäbi Ýehowa elinden tutar+.
נ [Nun]
25 Men ýaş ýigitdim, indi garradym,Hudaý dogruçyl adamy taşlamaýan ekeni+,Zürýadyny çöreksiz goýmaýan ekeni+.
26 Ol jomartlyk bilen berýär+,Çagalary-da bereket alýar.
ס [Sameh]
27 Ýamandan gaça dur, ýagşylyk et+,Ýer ýüzünde ebedi ýaşa.
28 Ýehowa adalaty söýýär,Wepaly gullaryny taşlamaýar+.
ע [Aýn]
Olary hemişe goraýar+,Erbediň bolsa tohum-tijini gyrýar+.
29 Dogruçyl adam ýeri miras alar+,Onda ebedi ýaşar+.
פ [Pe]
30 Dogruçylyň agzyndan paýhasly sözler çykýar,Adalaty dilinden düşürmeýär+.
31 Allanyň kanuny hakda oýlanýar+,Aýagy taýmaýar+.
צ [Sad]
32 Erbet adam dogruçyldan gözüni aýyrman,Janyny almagyň ýoluny agtarýar.
33 Ýehowa dogruçyly zalymyň eline bermez+,Kazyýetde dogruçylyň günäsi tapylmaz+.
ק [Kap]
34 Ýehowa umyt bagla, onuň ýolundan ýöre,Ol seni beýgelder, ýeri miras alarsyň,
Erbetleriň ýok edilişini+ gözüň bilen görersiň+.
ר [Reş]
35 Men zalym we rehimsiz adamy gördüm,Ol mes toprakda gülläp ösýän agaja meňzeýärdi+.
36 Emma ol duýdansyz ýok boldy+,Men ony agtardym, ýöne tapmadym+.
ש [Şin]
37 Ýazyksyz adama üns ber,Gözüň dogruçyl adamda+ bolsun,Sebäbi ol parahat ömür sürer+.
38 Günäkärler bolsa ýok ediler,Erbetler kesilip taşlanar+.
ת [Taw]
39 Dogruçyly Ýehowa halas eder+,Agyr gününde gala kimin gorar+.
40 Ýehowa dogruçyly halas eder+.
Erbet adamyň elinden alyp galar,Sebäbi ol Hudaýy pena edinýär+.
Çykgytlar
^ Başga manysy: Ruhdan düşme, ýogsam zyýan çekersiň.
