Zebur 31:1—24
Aýdymçylaryň ýolbaşçysyna. Dawudyň aýdymy.
31 Eý Ýehowa, sen meniň Penam!+
Eý adalatly Hudaý, meni halas et!+
Hiç haçan utanja galmaýyn+.
2 Aşak egil-de, sözümi diňle,
Ýetiş meniň dadyma+.
Dagda gurlan gala bol,Berk gala dek meni gora+.
3 Sen arkadagym hem galam!+Adyň hatyrasyna+ maňa ýol görkez+.
4 Meni duzaklardan gorarsyň+,Sebäbi meniň galam sensiň+.
5 Eý Ýehowa, janymy saňa ynandym+.
Wepaly Hudaýym*, meni halas etdiň+.
6 Dereksiz butlara sežde edýänleri ýigrenýärin,Men Ýehowa bil baglaýaryn.
7 Söýgiň* hakda oýlanyp, ýürekden şatlanaryn.Sen agyr halymy görýärsiň+,Kalbymyň derdini bilýärsiň.
8 Meni asuda ýere eltdiň.Duşman eline bermediň.
9 Eý Ýehowa, rehim eýle! Ýüregim para-para,
Gözlerim küteldi+, bedenim gurady+.
10 Gussadan ýaňa ömrüm kül boldy+,Ýyllarym agyr dert içinde geçdi+.
Günämden ýaňa gurbatym gaçdy,Süňklerim gurady+.
11 Duşmanlarym üstümden gülýär+,Goňşylarym kemsidýär.
Tanyşlarym menden gorkýar,Meni görüp gaçyp gidýär+.
12 Unutdylar meni merhum adam deý,Halym harap boldy, döwük küýze deý.
13 Men gorka düşdüm.Gybatymy etdiler+,
Dildüwşük gurdular,Öldürmegiň küýüne düşdüler+.
14 Eý Ýehowa, saňa bil baglaýaryn!+
«Sen meniň Hudaýym» diýýärin+.
15 Ömrüm seniň eliňde,
Yzarlaýanlardan, duşmanlardan halas et+.
16 Seniň ýüzüň bendäňe nur saçsyn+,
Wepaly bolup*, meni halas et.
17 Eý Ýehowa, seni çagyrýaryn, utanja goýma+.
Erbet adam masgara bolsun+,Dymyp, mazara* insin+.
18 Ýalançylaryň dili tutulsyn+,Dogruçyllary kemsidýänler, gopbamsylar dymsyn.
19 Eden ýagşylygyň çägi ýok!+
Hudaýhonlara* bereket berdiň+,Bil baglaýanlara ýagşylyk etdiň.Olary halklaryň öňünde ýalkadyň+.
20 Olary gizlin ýeriňde saklarsyň,Päliýamanlardan gorarsyň+.Olary penaňda saklarsyň,Zalymlaryň hüjüminden+ gorarsyň.
21 Şäheri gabasalar-da+,Gudratly işleriň arkaly wepaly söýgiňi gördüm+.Eý Ýehowa, saňa alkyş bolsun!
22 Gorkudan ýaňa: «Meni huzuryňdan ýok ederler» diýdim+.
Ýöne sen dilegime jogap berdiň+.
23 Eý Allanyň wepaly bendeleri, Ýehowany söýüň!+
Ýehowa wepaly gullaryny goraýar+,Tekepbirlere agyr jeza berýär+.
24 Ýehowa sabyrly garaşýanlar+,Mert boluň, berk duruň!+
Çykgytlar
^ Ýa-da: Hakykatyň Hudaýy.
^ Ýa-da: Wepaly söýgiň.
^ Ýa-da: Wepaly söýgiň bilen.
^ Ýa-da: Senden gorkýanlara.