እወ። ብየሱስ ንኣምን ኢና። ንሱ፡ “መገድን ሓቅን ህይወትን ኣነ እየ። ብዘይካ ብኣይ፡ ሓደ እኳ ናብ ኣቦ ዚመጽእ የልቦን” ኢሉ እዩ። (ዮሃንስ 14:6) የሱስ ካብ ሰማይ ናብ ምድሪ ኸም ዝመጸን ፍጹም ህይወቱ ንሰባት መስዋእታዊ በጃ ገይሩ ኸም ዝሃበን ንኣምን ኢና። (ማቴዎስ 20:28) ሞቱን ትንሳኤኡን ነቶም ኣብኡ ዚኣምኑ ናይ ዘለኣለም ህይወት ኪረኽቡ መገዲ ኸፊቱሎም እዩ። (ዮሃንስ 3:16) ሕጂ የሱስ፡ ንጉስ እታ ሰማያዊት መንግስቲ ኣምላኽ ከም ዝዀነ እውን ንኣምን ኢና፣ እዛ መንግስቲ እዚኣ ድማ፡ ኣብ ምልእቲ ምድሪ ሰላም ከተስፍን እያ። (ራእይ 11:15) ግናኸ፡ ነቲ የሱስ፡ “ካባይ ኣቦ ይዓቢ እዩ” ዝበሎ ቓል ንኣምን ኢና። (ዮሃንስ 14:28) ስለዚ፡ የሱስ ኵሉ ዚኽእል ኣምላኽ ስለ ዘይኰነ፡ ኣይነምልኾን ኢና።