Primeiru Timóteo 2:1-15
2 Tan neʼe, ulukliu, haʼu husu ema hotu atu harohan, halo orasaun, harohan kona-ba ema seluk no mós fó agradese kona-ba ema oioin,
2 kona-ba liurai sira no mós sira hotu neʼebé iha pozisaun aas,*+ atu nuneʼe ita bele moris ho dame no hakmatek hodi laran-metin ba Maromak* no halo buat hotu ho sériu.+
3 Maromak, ita-nia Salvadór,+ haree katak ida-neʼe diʼak no nia kontente ho ida-neʼe.
4 Ninia hakarak mak atu ema hotu hetan salvasaun+ no hetan koñesimentu neʼebé loos kona-ba lia-loos.
5 Tanba iha Maromak ida deʼit+ no iha mediadór ida+ entre Maromak no ema,+ neʼe mak mane ida, Kristu Jesus,+
6 neʼebé fó ninia moris nuʼudar sakrifísiu hodi selu folin neʼebé hanesan atu sosa fali ema hotu.+ Iha tempu neʼebé loos ema sei fó sasin kona-ba neʼe.
7 Ho objetivu atu fó sasin+ kona-ba neʼe mak Maromak hili haʼu nuʼudar haklaken-naʼin no apóstolu ida.+ Haʼu koʼalia lia-loos, haʼu la bosok. Nia hili haʼu nuʼudar mestre kona-ba fiar no lia-loos ba nasaun sira.+
8 Tan neʼe, haʼu hakarak katak iha fatin hotu mane sira kontinua halo orasaun hodi foti saʼe sira-nia liman+ ho laran-metin ba Maromak, laʼós ho laran-nakali+ no haksesuk malu.+
9 Nuneʼe mós haʼu hakarak katak feto sira hafurak sira-nia an ho roupa neʼebé diʼak,* ho respeitu no ho hanoin neʼebé loos,* laʼós hodi sasin fuuk ho modelu espesiál ka tau osan-mean ka pérola ka roupa neʼebé karun tebes,+
10 maibé sira tenke hafurak an ho hahalok diʼak, tuir dalan neʼebé loos ba feto sira neʼebé dehan katak sira adora Maromak.+
11 Feto sira tenke aprende atu nonook* no haraik an.+
12 Haʼu la fó lisensa ba feto ida atu hanorin, ka domina mane sira, maibé nia tenke nonook* deʼit.+
13 Tanba Maromak kria uluk Adão, no tuirmai mak Eva.+
14 No mós Diabu la lohi Adão, maibé feto neʼe monu duni ba Diabu nia lohi+ no kontra Maromak nia ukun-fuan.
15 Maibé, feto sira sei proteje sira-nia an hodi sai nuʼudar inan,+ no sira mós tenke kontinua iha fiar, domin no sai santu iha Maromak nia oin hamutuk ho hanoin neʼebé loos.*+
Nota-rodapé
^ Ka “iha autoridade”.
^ Ka “devosaun ba Maromak”. Haree “Devosaun ba Maromak” iha Glosáriu.
^ Ka “neʼebé hatudu dignidade”.
^ Ka “ho kbiit atu halo desizaun diʼak; matenek”.
^ Ka “hakmatek; kalma”.
^ Ka “hakmatek; kalma”.
^ Ka “ho kbiit atu halo desizaun diʼak; matenek”.
