Éfeso 5:1-33
5 Tan neʼe, halo tuir Maromak nia ezemplu+ nuʼudar ninia oan doben sira,
2 no kontinua hatudu domin,+ hanesan Kristu mós hadomi ita*+ no fó ninia moris ba ita* nuʼudar sakrifísiu neʼebé morin ba Maromak.+
3 Iha imi-nia leet keta temi hahalok sala seksuál,* hahalok oioin neʼebé la moos,* ka hahalok kaan-teen,+ tanba buat sira-neʼe la loos ba ema santu* sira.+
4 No imi mós labele halo hahalok neʼebé lori moe, ka koʼalia buat neʼebé beik,+ ka konta istória neʼebé foʼer, tanba buat sira-neʼe la loos. Maibé diʼak liu atu fó agradese.+
5 Tanba imi rasik hatene no rekoñese ida-neʼe, katak ema neʼebé halo sala seksuál*+ ka hatudu hahalok la moos ka kaan-teen,+ neʼebé hanesan ho adora estátua,* sei la simu liman-rohan iha Kristu no Maromak nia Ukun.*+
6 Keta husik ema ida lohi imi ho liafuan folin-laek. Tanba buat sira-neʼe mak Maromak sei hatudu ninia hirus ba ema kontradór sira.
7 Tan neʼe, keta hola parte hamutuk ho sira,
8 tanba uluk imi iha nakukun laran, maibé agora imi iha naroman+ tanba imi mak Naʼi nian.+ Kontinua laʼo nuʼudar naroman nia oan sira,
9 tanba naroman hamosu hahalok diʼak oioin, hahalok loos no lia-loos.+
10 Kontinua buka-hatene kona-ba buat neʼebé halo Naʼi kontente.+
11 Keta hola parte tan iha hahalok folin-laek neʼebé mai husi nakukun;+ maibé hatudu sai katak hahalok sira-neʼe mak folin-laek.
12 Tanba ita moe atu konta kona-ba buat neʼebé sira halo subasubar.
13 Naroman hatudu sai buat hotu.* Entaun buat hotu neʼebé hatudu sai ona mak naroman.
14 Tan neʼe mak Eskritura dehan: “Hadeer bá, ó neʼebé toba hela, no hadeer husi mate,+ no Kristu sei fó naroman ba ó.”+
15 Kontinua haree didiʼak oinsá imi halaʼo imi-nia moris,* atu imi la moris nuʼudar ema beik maibé nuʼudar ema matenek.
16 Uza didiʼak imi-nia tempu,*+ tanba loron sira-neʼe mak aat.
17 Tan razaun neʼe, keta sai tan hanesan ema beik, maibé kontinua buka-hatene saida mak Jeová* hakarak imi atu halo.+
18 No mós, keta lanu ho tua-uvas+ neʼebé halo imi moris arbiru deʼit, maibé kontinua sai nakonu ho Maromak nia espíritu.
19 Koʼalia ba malu* ho salmo, hahiʼi Maromak, no kanta knananuk adorasaun nian. Kanta+ ba Jeová*+ hanesan imi toka múzika+ iha imi-nia laran,
20 no sempre fó agradese+ ba ita-nia Maromak no Aman kona-ba buat hotu liuhusi ita-nia Naʼi Jesus Kristu nia naran.+
21 Hakruʼuk ba malu+ tanba imi hamtaʼuk Kristu.
22 Feen sira tenke hakruʼuk ba sira-nia laʼen+ hanesan hakruʼuk ba Naʼi,
23 tanba laʼen mak ulun ba ninia feen+ hanesan Kristu mak ulun ba kongregasaun+ neʼebé hanesan ninia isin-lolon, no nia mak salvadór ba isin-lolon neʼe.
24 Tuir loloos, hanesan kongregasaun hakruʼuk ba Kristu, feen sira mós tenke hakruʼuk ba sira-nia laʼen iha buat hotu.
25 Laʼen sira, kontinua hadomi imi-nia feen,+ hanesan Kristu mós hadomi kongregasaun no fó ninia moris ba kongregasaun,+
26 atu nia bele halo santu kongregasaun hodi hamoos ho Maromak nia liafuan, hanesan hamoos ho bee,+
27 atu nuneʼe kongregasaun bele sai furak iha ninia oin, la iha noda ka namkurut ka buat seluk hanesan neʼe,+ maibé santu no la iha foʼer ida.+
28 Nuneʼe mós laʼen sira tenke hadomi sira-nia feen hanesan sira-nia isin rasik. Ema neʼebé hadomi ninia feen hadomi ninia an rasik,
29 tanba la iha mane ida neʼebé odi ninia isin rasik, maibé nia fó-han no hafolin ninia isin, hanesan Kristu halo ba kongregasaun,
30 tanba ita mak liman-ain ba ninia isin-lolon.+
31 “Tan razaun neʼe mak mane ida sei husik ninia inan-aman no nia sei hela hamutuk* ho ninia feen no sira naʼin-rua sei sai isin ida deʼit.”+
32 Segredu santu+ neʼe mak importante. Agora haʼu koʼalia kona-ba Kristu no kongregasaun.+
33 Maski nuneʼe, laʼen ida-idak tenke hadomi ninia feen+ hanesan ninia an rasik, no feen mós tenke hatudu respeitu kleʼan ba ninia laʼen.+
Nota-rodapé
^ Ka karik “imi”.
^ Ka karik “imi”.
^ Haree “La moos” iha Glosáriu.
^ Haree “Ema santu” iha Glosáriu.
^ Ka “Reinu; Governu”.
^ Haree “Sala seksuál” iha Glosáriu.
^ Ka “Buat hotu neʼebé hetan korrije, hatudu sai liuhusi naroman”.
^ Orj., “oinsá imi laʼo”.
^ Orj., “sosa tempu neʼebé deside tiha ona”.
^ Ka karik “Koʼalia ba imi-nia an”.
