O Nahana Hore Bokamoso bo Tla ba Jwang?
Na boemo ba lefatshe . . .
-
bo ke ke ba fetoha?
-
bo tla mpefala?
-
bo tla ntlafala?
BIBELE YONA E RENG?
“Modimo . . . o tla hlakola meokgo yohle mahlong a bona, lefu ha le sa tla hlola le eba teng, mme ho siama [maswabi] kapa ho bokolla kapa bohloko ha di sa tla hlola di eba teng. Dintho tsa pele di fetile.”—Tšenolo 21:3, 4, Phetolelo ea Lefatše le Lecha.
HO TSEBA SEE HO KA O THUSA JWANG?
O tla tseba hore nakong e tlang, o tla ba le mosebetsi o thabisang le o kgotsofatsang.—Esaia 65:21-23.
O tla phela o sa kule ebile ho se na dintho tse o utlwisang bohloko.—Esaia 25:8; 33:24.
O tla phela ka ho sa feleng le ba lelapa le metswalle le thabile.—Pesaleme ya 37:11, 29.
NA KA SEBELE RE KA DUMELA SEO BIBELE E SE BUANG?
E, bonyane ka mabaka a mabedi:
-
Modimo o na le matla a ho phethahatsa seo a se tshepisitseng. Ka Bibeleng, Jehova Modimo ke yena feela ya bitswang “ya Matla Ohle,” kaha o na le matla a sa lekanyetswang. (Tšenolo 15:3) Ka hona o na le matla a ho phethahatsa tshepiso ya hae ya ho ntlafatsa lefatshe. Jwalokaha Bibele e bolela, “dintho tsohle dia kgoneha ho Modimo.”—Matheu 19:26.
-
Modimo o labalabela ho phethahatsa seo a se tshepisitseng. Ka mohlala, Jehova o “hlolohelwa” ho tsosa bafu.—Jobo 14:14, 15.
Bibele e boetse e bontsha hore Jesu, Mora Modimo, o ile a fodisa batho ba kulang. Ke hobaneng ha a ile a etsa jwalo? Ke hobane o ne a batla ho ba thusa. (Mareka 1:40, 41) Jesu o ile a bonahatsa ka ho phethahetseng botho ba Ntate wa hae ka takatso eo a neng e e na le yona ya ho thusa batho ba hlokang thuso.—Johanne 14:9.
Kahoo re ka kgodiseha hore Jehova le Jesu ba batla ho re thusa hore re thabele bokamoso!—Pesaleme ya 72:12-14; 145:16; 2 Petrose 3:9.
O KA NNA WA IPOTSA
Modimo o tla ntlafatsa lefatshe jwang?
Bibele e araba potso ena ho MATHEU 6:9, 10 le ho DANIELE 2:44.
O ka Nna wa Rata le Tsena
TORA YA HO LEBELA
Nnete ka Bokamoso
Matlafatsa tshepo ya hao ka seo Modimo a se buang ka bokamoso ba lefatshe le batho ba tla dula ho lona.
ESSENTIAL BIBLE TEACHINGS
Mmuso wa Modimo Keng?
Ha Jesu a ntse a etsa tshebeletso ya hae lefatsheng o ne a ruta haholo ka mmuso wa Modimo. E se e le dilemo batho ba rapella hore Mmuso oo o tle.
TORA YA HO LEBELA
Mmuso wa Modimo o Tla Finyella Eng?
Jesu o ne a tseba hore ke Mmuso wa Modimo feela o ka rarollang mathata a batho. Mmuso wa Modimo o se o entse eng ho re kgodisa hore o tla feela o re kgotsofatse?
MABAPI LE RONA
Kopa Hore Dipaki Tsa Jehova di o Etele
Buisana le Dipaki Tsa Jehova ka sehlooho sa Bibele, kapa o ithute Bibele le rona.
