Dipesaleme 72:1-20
Mabapi le Solomone.
72 Modimo, o fe morena dikahlolo tsa hao,O rute mora wa morena diketso tsa ho loka.+
2 E se eka a ka buella nyewe ya batho ba hao ka ho lokaLe ya batho ba hao ba maemong a tlase ka toka.+
3 Dithaba di ke di tlisetse batho kgotsoLe maralla a ke a tlise ho loka.
4 A ke a buelle* batho ba maemo a tlase,A pholose bara ba ba futsanehileng,A be a silakanye molotsana.+
5 Ba tla o tshaba ha feela letsatsi le ntse le le tengLe ha feela kgwedi e ntse e le teng,Molokong o mong ka mora o mong.+
6 O tla ba jwalo ka pula e nelang jwang bo kutilweng,A be jwalo ka dipula tsa medupe tse nosetsang lefatshe.+
7 Ha a busa, ba lokileng ba tla eketseha,+Kgotso e tla ba ngata+ ha feela kgwedi e ntse e le teng.
8 O tla ba le batho bao a ba busang ho tloha lewatleng le leng ho ya ho le lengLe ho tloha Nokeng* ho ya dikarolong tse hole tsa lefatshe.+
9 Batho ba dulang lehwatateng ba tla mo inamela,O tla hlola dira tsa hae.*+
10 Marena a Tarshishe le a dihlekehlekeng a tla patala lekgetho.*+Marena a Sheba le a Seba a tla tlisa dimpho.+
11 Marena ohle a tla mo inamela,Ditjhaba tsohle di tla mo sebeletsa.
12 O tla pholosa ya futsanehileng ya llang ho kopa thusoLe ya maemong a tlase le mang kapa mang ya se nang mothusi.
13 O tla qenehela ba maemong a tlase le ba futsanehilengEbile o tla pholosa bafutsana.
14 O tla ba pholosa ho ba ba hatellang le ho ba ba lwantshang,Madi a bona e tla ba a bohlokwa mahlong a hae.
15 A ke a phele mme a fuwe kgauta ya Sheba.+
A ke a rapellwe ka mehla,E se eka a ka hlohonolofatswa ka dinako tsohle.
16 Ho tla ba le dijo* tse ngata lefatsheng.+
Di tla ba ngata le hodima dithaba.
Masimo a morena a tla hlahisa dijalo tse ngata jwalo ka tsa Lebanone,+Batho ba metseng ba tla ba bangata jwalo ka dimela tsa lefatshe.+
17 E se eka lebitso la hae le ka ba teng ka ho sa feleng,+Le dule le le teng jwalo ka letsatsi.
E se eka batho ba ka hlohonolofatswa ka lebaka la hae.+
Ditjhaba tsohle di ke di phatlalatse hore o thabile.
18 Ho ke ho roriswe Jehova Modimo, Modimo wa Iseraele,+Eo e leng yena feela ya etsang dintho tse hlollang.+
19 Lebitso la hae le kganyang le ke le roriswe ka ho sa feleng+Le kganya ya hae e tlale lefatsheng lohle.+
Amen le Amen.
20 Dithapelo tsa Davida mora wa Jese di fella mona.+
Dintlha tse qetellong ya sehloho
^ Ka Seheberu: “ahlolele.”
^ E leng ya Eufrate.
^ Ka Seheberu: “Dira tsa hae di tla nyeka lerole.”
^ Kapa: “sethabathaba.”
