Diproverbia 8:1-36
8 Bohlale bo ntse bo hweletsa.
Temoho e ntse e phahamisa lentswe.+
2 Bo eme dibakeng tse phahameng+ haufi le tsela,Bo eme mateanong a ditsela.
3 Pela dikeiti tsa motse,Menyakong eo ho kenwang ka yona,Bo ntse bo hweletsa bo re:+
4 “Ke a le bitsa, lona batho,Ke hweletsa batho bohle.*
5 Lona ba se nang tsebo, ithuteng bohlale,+Lona ba se nang kelello, ebang le kutlwisiso.*
6 Mamelang hobane ke bua ditaba tsa bohlokwa,Ke bua dintho tse lokileng,
7 Molomo wa ka o bua nnete,Molomo wa ka o nyonya bokgopo.
8 Dipolelo tsohle tsa molomo wa ka di lokile.
Ha ho le e nngwe ya tsona e sothehileng kapa eo e leng leshano.
9 Kaofela ha tsona di hlakile ho ya nang le kelelloHape di lokile ho ba fumaneng tsebo.
10 Kgethang thuto ya ka ho ena le sileveraLe tsebo ho ena le kgauta e ntle.+
11 Etswe bohlale bo molemo ho feta dikorale,*Dintho tse ding tsohle tseo motho a ka di lakatsang ha se letho ha di bapiswa le bohlale.
12 Nna bohlale, ke dula le masene,Ke fumane tsebo le bokgoni ba ho nahana.+
13 Ho tshaba Jehova ho bolela ho hloya bobe.+
Ke hloile boikgohomoso, boikakaso,+ bokgopo le leshano.+
14 Ke na le keletso ya bohlokwa le bohlale.+
Ke na le kutlwisiso+ le matla.+
15 Marena a ntse a busa ka lebaka la kaLe diofisiri tse kgolo di etsa melao e lokileng ka lebaka la ka.+
16 Ke ka nna dikgosana di ntseng di busaLe bahlomphehi ba ahlolang ka toka.
17 Ke rata ba nthatang,Ba mpatlang ba tla mphumana.+
18 Ke na le maruo le tlhompho,Matlotlo a sa senyeheng le ho loka.
19 Ditholwana tsa ka di molemo ho feta kgauta, di molemo ho feta kgauta e hlwekisitsweng.
Dihlahiswa tsa ka di molemo ho feta silevera e ntle.+
20 Ke tsamaya tseleng ya ho loka,Bohareng ba ditsela tsa toka.
21 Ke fana ka lefa le nonneng ho ba nthatang,Ke tlatsa ditoro tsa bona.*
22 Jehova o ile a mpopa ke le qalo ya mosebetsi wa hae,+Ke le wa pele dinthong tsa kgale tseo a di fihletseng.+
23 O ile a mpeha boemong bo phahameng ho tloha kgale,+Ho tloha qalong, dinakong tsa pele lefatshe le eba teng.+
24 Ke ile ka hlaha* pele ho eba le mawatle,+Pele ho eba le didiba tse tletseng metsi.
25 Pele dithaba di thehwa,Pele ho eba le maralla, ke ile ka hlaha,
26 Pele a etsa lefatshe le nahaLe lekote la pele la mobu wa lefatshe.
27 Ke ne ke le teng ha a etsa mahodimo;+Ha a beha moedi pakeng tsa lehodimo le lewatle,+
28 Ha a tsitsisa maru sepakapakeng,Ha a etsa mehlodi ya lewatle,
29 Ha a sehela lewatle meediE le hore metsi a lona a se ke a tlola meedi+ eo a e behileng,*Ha a rala metheo ya lefatshe,
30 Ke ne ke ena le yena ke le mosebetsi ya hlwahlwa.+
Letsatsi le letsatsi ke ne ke le eo a mo ratang haholo,+Ka nako yohle ke ne ke thabile ka pela hae.+
31 Ke ne ke thabetse lefatshe la hae,Ka ho kgetheha ke ne ke rata batho.
32 Jwale bara ba ka, mmameleng.Ho thaba ba tsamayang ditseleng tsa ka.
33 Mamelang tayo+ mme le hlalefe,Le se ke la e lahla.
34 Ho thaba motho ya mmamelangKa ho tla esale hoseng* menyako ya ntlo ya ka letsatsi le letsatsi,Ka ho ema pela menyako ya ka.
35 Ya mphumanang o tla fumana bophelo+Mme Jehova o tla mo amohela.
36 Empa ya iphapanyetsang nna o intsha kotsi,Ba ntlhoileng ba rata lefu.”+
Dintlha tse qetellong ya sehloho
^ Ka Seheberu: “bara ba batho.”
^ Kapa: “pelo e utlwisisang.”
^ Kapa: “matlo a bona a polokelo.”
^ Kapa: “hlaha jwalo ka ha eka ke ka bohloko ba pelehi.”
^ Kapa: “taelo ya hae.”
^ Kapa: “Ka ho dula a fadimehile.”
