Diproverbia 20:1-30
20 Veine e tla o tshehisa ka batho,+ jwala bo morusu.+
Mang kapa mang ya kgeloswang ke tsona ha a bohlale.+
2 Tshabo eo morena a e bakang e tshwana le e bakwang ke ho rora ha tau.*+
Mang kapa mang ya mo halefisang o beha bophelo ba hae kotsing.+
3 Ke ntho e hlomphehang hore motho a qobe ho pheha kgang+Empa lewatla le leng le le leng le rata ho pheha kgang.+
4 Ya botswa ha a leme mariha,Ka hoo, e tla ba mokopakopa nakong ya kotulo ha a se na letho.*+
5 Merero* e ka pelong ya motho e jwalo ka metsi a tebilengEmpa motho ya nang le temoho o a e kga.
6 Batho ba bangata ba ithorisa ka hore ba leratoEmpa ke mang ya ka fumanang motho ya tshepahalang?
7 Ya lokileng o phela ka botshepehi.+
Ho thaba bana* ba hae.+
8 Ha morena a dula teroneng ya hae hore a ahlole,+Mahlo a hae a lemoha* bokgopo bohle.+
9 Ke mang ya ka reng: “Ke hlwekisitse pelo ya ka,+Ke hlwekile, ha ke na sebe”?+
10 Dikala tsa ho bekga tse qhekellang le ditekanyo tse sa nepahalang,*Ka bobedi ba tsona Jehova o a di nyonya.+
11 Esita le ngwana* o tsebahala ka diketso tsa haeHore na boitshwaro ba hae bo hlwekile ebile bo lokile.+
12 Tsebe e utlwang le leihlo le bonang,Jehova o di entse ka bobedi ba tsona.+
13 O se ke wa rata boroko, ho seng jwalo o tla futsaneha.+
Tsoha e le hore o be le dijo tse ngata.+
14 Moreki o re: “Ntho ena e mpe, e mpe!”
Ka mora moo o a tsamaya ebe jwale o a ithorisa.+
15 Ho na le kgauta le dikorale* tse ngataEmpa dipuo tsa ya bohlale di bohlokwa ho di feta.+
16 Nka seaparo sa motho haeba a itlamme hore o tla patala sekoloto sa motho e mong.+
Haeba a itlamme hore o tla patala sekoloto sa mosadi ya boitshwaro bo bobe,* o behe thepa ya hae paneng.+
17 Bohobe bo fumanweng ka bolotsana bo monateEmpa ka mora moo, motho o tla tlala lehlabathe ka hanong.+
18 Merero e tla atleha* ha ho buisanwa.*+
O lwane ntwa ya hao ka tataiso e bohlale.+
19 Motho ya ratang ho senya ba bang lebitso o tsamaya a ntsha makunutu.+
O se ke wa ba motswalle wa motho ya ratang ho seba.*
20 Mang kapa mang ya rohakang mme wa hae le ntate wa hae,Lebone la hae le tla tingwa ha ho eba lefifi.+
21 Ha motho a fumana maruo* ka meharo,A ke ke a thaba* qetellong.+
22 O se ke wa re: “Ke tla iphetetsa.”+
Tshepa Jehova+ mme o tla o pholosa.+
23 Jehova o nyonya ditekanyo tse sa nepahalang,*Dikala tse qhekellang ha di a loka.
24 Mehato ya motho e laolwa ke Jehova.+
Motho a ke ke a utlwisisa tsela eo a lokelang ho e nka.*
25 Ke leraba hore motho a itlame ka lepotlapotla hore o tla fa Modimo mpho+Ebe ka mora moo, ke hona a nahanisisang ka boitlamo boo a bo entseng.+
26 Feela jwalo ka ha ditlhoka di arolwa ho koro,*+Morena ya bohlale o tlosa batho ba kgopo.+
27 Dintho tseo motho a di buang di* tshwana le lebone la Jehova,Le ntseng le mo hlahloba ka harehare.
28 Lerato le botshepehi di sireletsa morena.+
O tshehetsa terone ya hae ka lerato.+
29 Botle ba bahlankana ke matla a bona+Mme bokgabane ba maqheku ke moriri o moputswa.+
30 Maqeba le matetetso a phekola* bokgopo,+Thupa e hlwekisa pelo ya motho.
Dintlha tse qetellong ya sehloho
^ Kapa: “tawana e moetse.”
^ Kapa mohlomong: “O tla batla nakong ya kotulo empa a ke ke a fumana letho.”
^ Kapa: “Menahano.”
^ Ka Seheberu: “bara.”
^ Kapa: “a sefa.”
^ Kapa: “Majwe a mabedi a ho bekga a boima bo fapaneng le dinkgo tse pedi tsa ho bekga tse sa lekaneng.”
^ Kapa: “moshanyana.”
^ Kapa: “wa moditjhaba.”
^ Kapa: “e tla tiiswa.”
^ Kapa: “ha ho eletsanwa.”
^ Kapa: “ho eka ka molomo wa hae.”
^ Ka Seheberu: “lefa.”
^ Kapa: “Modimo a ke ke a mo hlohonolofatsa.”
^ Kapa: “majwe a mabedi a ho bekga a boima bo fapaneng.”
^ Kapa: “tsela ya hae.”
^ Ka Seheberu: “dijothollo.”
^ Ka Seheberu: “Phefumoloho ya motho e.”
^ Kapa: “hlwekisa.”
