Diproverbia 24:1-34
24 O se ke wa kgalla batho ba kgopo,O se ke wa batla ho ba hara bona.+
2 Dipelo tsa bona di thuisa ka ntwaLe melomo ya bona e bua ka diketso tse kgopo.
3 Ntlo e* hahwa ka bohlale,+E tsitsiswa ka temoho.
4 Ka tsebo dikamore tsa yona di tla tlalaMatlotlo a bohlokwa le a kgahlehang.+
5 Motho ya bohlale o matla+Mme ka tsebo motho o eketsa matla a hae.
6 Ka tataiso e bohlale o tla lwana ntwa ya hao,+Ka baeletsi ba bangata o tla hlola.*+
7 Lewatla ha le kgone ho fumana bohlale ba nnete,+Ha ho letho leo le ka le buang keiting ya motse.
8 Mang kapa mang ya rerang bokgopoHo tla thwe ke molotsana.+
9 Merero ya motho ya se nang kelello* e lebisa sebengHape batho ba nyatsa mosomi.+
10 Ha o nyahama nakong ya mathata,*O tla fellwa ke matla.
11 Lopolla ba iswang lefung,O thibe ba thekesellang polaong.+
12 Haeba o re: “Empa re ne re sa tsebe,”Na Ya hlahlobang dipelo a ke ke a lemoha menahano ya hao?+
Ya o shebileng ka hloko o tla tseba,O tla buseletsa motho e mong le e mong ho ya ka mesebetsi ya hae.+
13 Mora wa ka, o je mahe a dinotshi hobane a monate.
Mahe a dinotshi a tswang kgekgeng a monate ho motho ya a latswang.
14 Ka tsela e tshwanang, tseba hore bohlale bo molemo bakeng sa hao.+
Haeba o bo fumana, o tla ba le bokamoso.
Tshepo ya hao e ke ke ya fela.+
15 O se ke wa lalla ntlo ya motho ya lokileng jwalo ka ha motho ya kgopo a etsa.
O se ke wa senya sebaka seo a dulang ho sona
16 Hobane le ha ya lokileng a ka wa ka makgetlo a supileng, o tla ema+Empa ba kgopo ba tla hlahelwa ke tlokotsi mme ba kgoptjwe.+
17 Ha sera sa hao se wa, o se ke wa thaba,Ha se kgoptjwa, pelo ya hao e se ke ya nyakalla,+
18 Haeba o etsa jwalo, Jehova o tla bona mme a ke ke a thaba.
O tla kgaotsa ho halefela sera sa hao.+
19 O se ke wa halefiswa ke* batho ba kgopo.
O se ke wa ba kgalla
20 Hobane mang kapa mang ya kgopo ha a na bokamoso+Le lebone la batho ba kgopo le tla tingwa.+
21 Mora wa ka, o tshabe Jehova le morena+Mme o se ke wa tlwaelana le marabele.*+
22 A tla hlahelwa ke koduwa ka tshohanyetso.+
Ke mang ya tsebang tlokotsi eo ba* tla e tlisetsa marabele ao?+
23 Dipolelo tsena ke tsa ba bohlale:
Ha se ntho e ntle ho ahlola ka leeme.+
24 Mang kapa mang ya reng ho ya kgopo: “O lokile,”+Batho ba tla mo rohaka, ditjhaba di mo nyatse.
25 Empa ba mo kgalemelang,+ dintho di tla ba tsamaela hantle,Ba tla fumana ditlhohonolofatso.+
26 Batho ba tla suna motho ya buang nnete ha a araba.*+
27 Lokisa mosebetsi wa hao wa ka ntle mme o hlophe dintho kaofela tshimong.
Ebe o haha lelapa la hao.*
28 O se ke wa ba paki kgahlanong le moahisani wa hao ntle ho mabaka.+
O se ke wa qhekella batho ba bang ka dipuo tsa hao.*+
29 O se ke wa re: “Ke tla mo etsa feela jwalo ka ha a nkentse.
Ke tla mo etsa ntho eo a nkentseng yona.”*+
30 Ke ile ka feta haufi le tshimo ya motho ya botswa,+Haufi le serapa sa morara sa motho ya hlokang kelello.*
31 Ka bona e tletse ditlamatlama.
Jarete e ne e tletse bobatsi,Lerako la yona la majwe le wele.+
32 Ha ke ntse ke shebile, ka nahana ka thata ka taba ena,Ka bona yaba ke ithuta thuto ena:*
33 Ha o ka robala hanyenyane, wa re shwa! hanyenyane,Wa phutha matsoho hanyenyane hore o phomole,
34 Bofutsana bo tla o fihlela jwalo ka leshoduLe bohloki bo o tlele jwalo ka monna ya hlometseng.+
Dintlha tse qetellong ya sehloho
^ Kapa: “Lelapa le.”
^ Kapa: “atleha; pholoha.”
^ Kapa: “Merero e se nang kelello.”
^ Kapa: “letsatsing la mahlomola.”
^ Kapa: “O se ke wa iponahatsa o halefetse.”
^ Kapa: “ba batlang phetoho.”
^ E leng Jehova le morena.
^ Kapa mohlomong: “Ho araba ka tsela e tobileng ho tshwana le ho suna motho.”
^ Kapa: “ntlo ya hao.”
^ Ka Seheberu: “molomo wa hao.”
^ Kapa: “Ke tla iphetetsa.”
^ Ka Seheberu: “eo pelo ya hae e haellwang.”
^ Ka Seheberu: “ka amohela tayo.”
