Diproverbia 17:1-28
17 Ho molemo ho ja sekokotwana sa bohobe moo ho nang le kgotso*+Ho feta ho ba le mokete* ntlong e tletseng diqabang.+
2 Mohlanka ya nang le temoho o tla busa mora wa monga hae ya diketso di swabisang,O tla ja lefa jwalo ka e mong wa bara ba monga hae.
3 Silevera le kgauta di hlwekiswa ka ho qhibidihiswa mollong+Empa Jehova ke yena ya hlahlobang dipelo.+
4 Motho ya kgopo o mamela ka hloko dipuo tse bohloko.
Molotsana o mamela dipuo tse hlabang.+
5 Motho ya somang mofutsana o rohaka Mmopi* wa hae.+
Ya thabelang koduwa ya e mong o tla fumana kotlo.+
6 Korone ya ba hodileng ke ditloholo,Bana* ba ikotla sefuba ka batswadi ba bona.*
7 Dipuo tse lokileng* ha di tshwanele motho ya se nang kelello.+
Leshano le lona ha le tshwanele morena.*+
8 Mpho e tshwana le lejwe la bohlokwa ho motho ya fanang ka yona.+
E mo atlehisa nthong e nngwe le e nngwe eo a e etsang.+
9 Mang kapa mang ya tshwarelang* phoso o batla lerato+Empa ya dulang a bua ka phoso o arola metswalle ya hlooho ya kgomo.+
10 Motho ya nang le kutlwisiso o a mamela ha a kgalemelwa+Empa motho ya se nang kelello ha a mamele le ha a ka otlwa halekgolo.+
11 Motho ya kgopo o ipatlela borabele feelaEmpa moromuwa ya kgopo o tla romelwa ho ya mo fa kotlo.+
12 Ho molemo hore motho a teane le bere e nketsweng madinyaneHo feta hore a teane le sethoto se tshepileng bothoto ba sona.+
13 Haeba mang kapa mang a buseletsa botle ka bobe,Bobe bo ke ke ba tloha ntlong ya hae.+
14 Ho qala ntwa ho tshwana le ho bulela letamo la metsi.*
Pele kgang e qhoma, o itsamaele.+
15 Mang kapa mang ya lokollang ya kgopo le mang kapa mang ya ahlolang ya lokileng,+Ka bobedi ba a nyonyeha ho Jehova.
16 Ho na le molemo ofe ha sethoto se fumana bohlaleEmpa se se na kelello?*+
17 Motswalle wa nnete o lerato ka dinako tsohle+Mme ke ngwaneno eo o ka mo tshepang dinakong tsa mahlomola.+
18 Motho ya se nang kelello* o etsa tumellanoMme o itlama ka pela moahisani hore o tla patalla motho e mong sekoloto.+
19 Ya ratang dikgang o tla etsa diphoso.+
Mang kapa mang ya dulang a ithorisa o ipitsetsa tlokotsi.*+
20 Ya pelo e bolotsana a ke ke a atleha*+Mme ya leshano o tla wela tlokotsing.
21 Motswadi wa ngwana ya hlokang kelello o tla sarelwa,Ntate wa ngwana ya se nang kelello ha a thabe.+
22 Pelo e thabileng ke moriana+Empa ha motho a wele moya o fellwa ke matla.*+
23 Ya kgopo o tla nka tjotjo ka sekgukgu*E le hore a sothe ditsela tsa toka.+
24 Motho ya nang le temoho o shebile bohlale feelaEmpa ya hlokang kelello o thalatsa mahlo ho ya fihla moo lefatshe le fellang.+
25 Mora ya hlokang kelello o bakela ntate wa hae mesareloHape o tshwarisa mme wa hae hlooho.*+
26 Ha ho hotle ho fa ya lokileng kotlo.*
Ho otla bahlomphehi ha se ntho e lokileng.
27 Motho ya nang le tsebo o a ithiba ha a bua,+Athe motho ya nang le temoho o tla dula a kgobile matshwafo.+
28 Esita le motho ya se nang kelello, ha a thola o tla nkwa a le bohlale.
Ya kwalang molomo wa hae o tla nkwa a ena le temoho.
Dintlha tse qetellong ya sehloho
^ Ka Seheberu: “mahlabelo.”
^ Kapa: “kgutso.”
^ Ka Seheberu: “Moetsi.”
^ Kapa: “Bara.”
^ Kapa: “bontate ba bona.”
^ Kapa: “monate.”
^ Kapa: “mohlomphehi.”
^ Ka Seheberu: “kwahelang.”
^ Kapa: “morwallo wa metsi.” Ka Seheberu: “ho bulela metsi.”
^ Ka Seheberu: “pelo.”
^ Ka Seheberu: “eo pelo ya hae e haellwang.”
^ Kapa: “Mang kapa mang ya phahamisang keiti ya hae o batla ho wa.”
^ Ka Seheberu: “fumana se molemo.”
^ Kapa: “o omella masapo.”
^ Ka Seheberu: “sefubeng.”
^ Ka Seheberu: “o kgopisa mme wa hae.”
^ Kapa: “ho lefisa ya lokileng.”
