Salmos 83:1-18
Asafpa takin.+
83 Diosnilláy, ama ch’inllaqa kaychu,+Diosníy, ama jinalla kaychu, ama upallalla kaychu.
2 Qhawariy, enemigoyki runakunaqa ima jinaraqmi purishanku,+cheqnikuqniyki runakunaqa jatunchakuspan imaymanata ruwashanku.
3 Yuyaysapa kayninkupin imaymanata rimashanku,llaqtayki contran pakallapi rimanakushanku,pakaykusqayki runakuna contran parlashanku.
4 Paykunan nishanku: “Jaku, paykunata nacionnintinta chinkachimusun,+amaña pipas Israel sutitaqa yuyarichunñachu”, nispa.
5 Paykunaqa juj yuyayllan rimanakushanku,qan contran juj sonqolla rimanakushanku.+
6 Edom runakuna, Ismael runakunan rimanakushanku,Moab runakuna,+ Agar runakunan parlashanku.+
7 Guebal runakuna, Anmón runakuna,+ Amalec runakunan rimanakushanku,Filistea runakunapas+ Tiro runakunawan+ juñukuspan parlashanku.
8 Asiria runakunapas+ paykunamanmi juñukushanku,Lotpa churinkunatan paykunaqa yanapashanku.+ (Séla).
9 Imaynan Madián runakunata ruwarqanki chhaynata paykunataqa ruway,+imaynan Cisón wayq’opi* Sisarata Jabintapas ruwarqanki chhaynata ruway.+
10 Paykunaqa En-Dor ladopin chinkachisqa karqanku,+chaypin jallp’apaq wanuman tukupurqanku.
11 Paykunaq umallinkunata Orefta Zefta jina ruway,+kamachiqninku runakunatapas Zebata Zalmunata jina ruway.+
12 Paykunan nirqanku: “Jaku Diospa tiyasqan jallp’ata jap’ikampusun”, nispa.
13 Diosnilláy, paykunaqa wayraq apaykachasqan ch’aki kiska jina kachunku,+wayraq kayman jaqayman apasqan ch’aki pasto jina kachunku.
14 Sach’a-sach’ata ruphaq nina jina,orqo-orqota ruphaq nina jina,+
15 manchay wayraykiwan paykunata qatikachay,+manchakuy jatun wayrawan paykunata q’aqchay.*+
16 Jehová Diosníy, may p’enqasqata paykunata saqey,chhaynapin paykunaqa sutiykita maskhanqaku.
17 Wiñay-wiñaypaq may p’enqasqa, may manchasqa kachunku,pisichasqa, sarunchasqa kachunku, wiñaypaq chinkachisqa kachunku.
18 Runakuna yachachunku qanpa sutiykiqa Jehová kasqanta,+qan sapallaykin pachantinpi ancha jatun Diosqa kanki.+
Uraypi willakuykuna
^ Chaypiqa “mayupi” nillanmantaqmi.
^ Q’aqchaytaqa “mancharichiy” nillankutaqmi.
