10 TAPUY
¿Imaninmi Biblia jamuq tiempomanta?
“Chanin runakunan kay jallp’ataqa chaskinqaku, paykunan wiñaypaq chaypi tiyanqaku”.
“Kay pachaqa kaqllan wiñay-wiñaypaq kashan”.
“Wañuytapas wiñaypaqmi chinkachipunqa, tukuy munayniyoq Señor Jehová Diosqa llapa runaq weqentan ch’akichinqa”.
“Chay tiempopin ñausakunaq ñawinqa qhawarinqa, roqt’ukunaq ninrinpas kicharikunqa, wist’upas taruka jinan p’itanqa, upapas kusikuymantan qaparinqa. Ch’aki pampakunapin unu t’ojamunqa, aqo pampakunapin mayukuna puririnqa”.
“Diosmi runakunaq ñawinmanta tukuy weqeta pichanqa, manan wañuypas kanqañachu, manañataqmi llakikuypas, waqaypas, ni nanaypas kanqañachu. Arí, ñaupaq kaqkunaqa manañan kanqachu”.
“Wasikunatan ruwakunqaku chaypitaqmi tiyanqaku, uvaskunatan plantanqaku chaypa ruruntataqmi mijunqaku. Manan jujpa tiyananpaqchu wasichakunqaku, manan jujpa mijunanpaqchu plantanqaku. Llaqtaypa watankunaqa sach’aq watankuna jinan kanqa; ajllakusqay runakunaqa llank’asqankuq rurunwanmi anchata kusikunqaku”.