Salmos 55:1-23
Takiqkunata pusariqpaq. Cuerdayoq tocanakunawan yanapachikuspa tocanapaq. Maskil.* Davidpa takin.
55 Diosnilláy, mañakusqayta uyariway.+
Amapuni khuyapayawanaykipaq mañakusqaytaqa jinata qhawaychu.*+
2 Diosnilláy, uyarimuway, kutichimuway.+
Llakin sinchita ñit’ishawan,+sinchi manchasqan kashani.
3 Enemigoykunan phawaykamushawanku,millay runakunan mat’ipayashawanku.
Paykunaqa imaymana llakikuykunawanmi ñit’iykuwanku,phiñasqan noqawan kashanku, nishutan cheqniwanku.+
4 Sonqoyqa may llakisqan kashan,+wañuy chayamuwanantan manchakushani.+
5 Manchakuymi, khatatataymi* jap’ishawan,manchakuymantan chiri jump’iraq oqarishawan.
6 Sapa kutillanmi nini:
“¡Urpi jinallapas rafrayoq kayman!
Rafrachakuspa ripuyman, karupi thaj tiyakamuyman.
7 May karumanmi ripuyman;+ch’in ladokunapin tiyamuyman.+ (Séla).
8 Usqhayllan pakakuq ripuyman,wayraq phiñakuyninmantan ayqekuyman,sinchi wayramantan karunchakuyman”, nispa.
9 Diosníy Jehová, paykunata pantachiy,ima yuyaykusqankutapas mana allinman tukuchiy;*+llaqta ukhupiqa maqanakuyllatan ch’aqwayllatan rikushani.
10 Tuta-p’unchaymi perqa patallanta purishanku,llaqta ukhupiqa mana allin ruwayllan, sasachakuyllan kashan.+
11 Ñak’ariypas manan chay llaqtapiqa faltanchu;plazakunapipas engañayllan runa sarunchayllan kashan.+
12 K’amiwaq runaqa manan enemigoychu,+enemigoy kanman chayqa aguantallaymanmi.
Noqa contra jatariqqa manan cheqniwaq runachu,cheqniwaqniy kanman chayqa pakakuymanmi paymanta.
13 Ichaqa qanmi kayta ruwashawanki,+qanqa compañeroymi karqanki,allin reqsisqay runan karqanki.+
14 May sumaqtan kausaq kanchis,kuskan Diospa wasinmanpas jaykuq kanchis,askha runakunawan kuskan jaykuq kanchis.
15 Qonqay paykunaman thuniy chayamuchun,+kausashaqlla Sepulturaman* jaykuchunku;mana allin kaqqa paykuna ukhupin kashan.
16 Noqaqa Jehová Diostan wajakusaq,Diosniymi noqataqa librawanqa.+
17 Illarimusqanmanta tutayanankaman mana thajchu kani,khuyayta waqaspan Diosmanta mañakuni,+jinan payqa kunkayta uyarimuwan.+
18 Paymi thaj kayta qowanqa,noqa contra jatariqkunamantan librawanqa;askhan contraypiqa jamushanku.+
19 Diosqa uyarimuwanqan, jinan paykuna contra sayarinqa,+unay tiempomantapacha trononpi tiyaqmi paykuna contra jatarinqa.+ (Séla).
Paykunaqa manan cambiayta munanqakuchu,Diosta mana manchakuqkunaqa manan cambianqakuchu.+
20 Amigoyqa* paywan thajpi kaqkuna contran jatarirqan,+imachus rimanakusqaykutan p’akirqan.+
21 Rimasqan simikunaqa mantequilla jina llamp’ullan,+ichaqa maqanakuymi sonqonpiqa kashan;rimasqan simikunaqa aceitemantapas aswan llamp’ullan,ichaqa filochasqa espada jinan.+
22 Jehová Diosman q’epiykita saqey,+payqa qaqatan sayachisunki.+
Payqa manan chanin runa urmanantaqa munanqachu.+
23 Paykunan ichaqa jallp’a sonqoman jaykunqaku,Diosníy, qanmi paykunataqa ukhuy-ukhu t’oqoman jaykuchinki.+
Chay yawar jich’aqkunaqa, chay llullakunaqa manan kausananku watakunaq kuskanmanpas chayanqakuchu.+
Noqan ichaqa Diosníy, qanllapipuni confiasaq.
Uraypi willakuykuna
^ Chaypiqa “Ama pakakuychu qanmanta mañakamuqtiy” nillanmantaqmi.
^ Khatatataytaqa “kharkatiy” nillankutaqmi.
^ Chaypiqa “rimasqankuta mana entiendeyman tukuchiy” nillanmantaqmi.
^ Chaypiqa 13, 14 versiculokunapi rimamusqan amigonmantan rimashan.