Salmos 103:1-22
-
“Tukuy kausayniywanmi Jehová Diosta jatunchasaq”
Davidpa takin.
103 Tukuy kausayniywanmi* Jehová Diosta jatunchasaq.
Tukuy sonqoywanmi Diosniypa ch’uya sutinta alabasaq.
2 Tukuy kausayniywanmi Jehová Diosta jatunchasaq.
Amapuni qonqasaqchu llapa ima ruwasqantapas.+
3 Payqa llapa juchaykunatan perdonawan,+llapa nanayniykunatan jampiwan.+
4 Paymi kausayniyta aya p’ampanamanta libran;+mana tukukuq munakuyninwanmi coronawan jina churaykuwan,khuyapayakuyninwan iman churaykuwan.+
5 Llapa kausasqay p’unchaykunan allin kaqkunata qowan,+wajmantan waynayashani, anka jina kallpayoqmi kashani.+
6 Jehová Diosqa chanin kaywanmi imatapas ruwan,+sarunchasqa kaqkunapaqmi justiciata ruwapun.+
7 Payqa Moisesmanmi ñanninkunata reqsichirqan,+Israelpa wawankunamanmi ruwasqankunata rikuchirqan.+
8 Jehová Diosqa khuyapayakuqmi, sumaq sonqo Diosmi,+pacienciakuq,* mana tukukuq may jatun munakuyniyoq Diosmi.+
9 Payqa manan sapa ratuchu juchanchiskunata yuyarichiwasun,+manataqmi wiñaypaqchu phiñasqalla kanqa.+
10 Manan juchanchiskunaman jinachu castigawanchis,+manataqmi pantasqanchisman jinachu imatapas ruwawanchis.+
11 Imaynan cieloqa kay pachamanta sinchi altopi kashan,chhayna jatunmi manchakuqninkunapaq mana tukukuq munakuyninqa.+
12 Imaynan inti lloqsimuy ladoqa inti jaykuy ladomanta sinchi karupi kashan,chhayna karumanmi juchanchiskunataqa apapun.+
13 Imaynan juj taytaqa wawankunata khuyapayan,chhaynatan Jehová Diospas manchakuqninkunata khuyapayan.+
14 Payqa yachanmi imayna kamasqa kasqanchista,+yachanmi jallp’allamanta ruwasqa kasqanchista.+
15 Runaq kausayninqa qorakunaq kausaynin jinallan.+
Campopi t’ika jinallan, munayta t’ikariq t’ika jinallan,+
16 wayra wayrarimuqtinmi ichaqa chinkaripun,manapas chaypichu kanman karqan jinan kapun.
17 Jehová Diospa mana tukukuq munakuyninmi ichaqa wiñaypaq,manchakuqninkunapaq munakuyninqa mana tukukuqmi,+justicia ruwasqanqa churinkunaq wawankunakamaraqmi chayan.+
18 Chanin ruwasqanqa rimanakusqanta junt’aqkunapaqmi,+kamachikusqankunata llapanta kasukuqkunapaqmi.
19 Jehová Diospa trononqa janaq pachapin allin tajyasqa kashan;+payqa reymi kapun, lliutan kamachishan.+
20 Angelkuna, llapaykichis Jehová Diosta jatunchaychis,+atiyniyoq kallpasapa angelkuna, payta alabaychis,munayninta ruwaq angelkuna, kasukuqninkuna,+ payta jatunchaychis.
21 Janaq pacha ejercitokuna, Jehová Diosta alabaychis,+munayninta ruwaq kamachikuna, payta jatunchaychis.+
22 Llapa kamasqankuna, Jehová Diosta jatunchaychis,maykunapichus kamachikusqanpi tiyaqkuna, payta alabaychis.
Jehová Diostan tukuy sonqoywan jatunchasaq.
Uraypi willakuykuna
^ Chaypiqa “mana usqhaylla phiñakuq” nillanmantaqmi.
