Salmos 146:1-10
146 ¡Jehová* Diosta jatunchaychis!*+
Jehová Diostan tukuy sonqoywan jatunchasaq.+
2 Kausanay p’unchaykaman Jehová Diosta jatunchasaq,tukuy kausasqay tiempon Diosniypaq jatunchay takikunata takisaq.*
3 Ama kamachikuqkunapipas ni pi runapipas confiaychischu,paykunaqa manan pitapas salvayta atinkumanchu.+
4 Samaynin sayapuqtinmi* runaqa jallp’aman tukupun,+chay p’unchaypachan ima yuyaykusqanpas chinkapun.+
5 May kusisqan Jacobpa Diosninmanta yanapayta mañakuqqa,*+may kusisqan Diosnin Jehová Diospi suyakuqqa.+
6 Paymi janaq pachatapas, kay pachatapas,lamar-qochatapas, chaykunapi tukuy ima kaqkunatapas kamarqan.+
Payqa rimasqanta tukuy tiempo junt’aq Diosmi.+
7 Sarunchasqakunapaqmi justiciata ruwapun,yarqasqakunamanmi mijunata qon.+
Jehová Diosqa watasqakunata kacharichiqmi.+
8 Jehová Diosqa ñausakunata qhawarichiqmi.+
Jehová Diosqa k’umusqakunata sayarichiqmi.+
Jehová Diosqa chanin runakunata munakuqmi.
9 Jehová Diosqa waj llaqtayoqkunatan pakaykun,mana taytayoqkunata viudakunatawanmi uywan,+millay runakunaq yuyaykusqantan ichaqa qolluchin.+
10 Jehová Diosmi wiñay-wiñaypaq rey kanqa,+Sion, Diosniykin wiñaypaq kamachikuq kanqa,¡Jehová* Diosta jatunchaychis!*
Uraypi willakuykuna
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.
^ Chaypiqa “musicata tocasaq” nillanmantaqmi.
^ Hebreo rimaypiqa “Espiritun lloqsipuqtinmi” ninmi. Qhaway Explicasqa simikuna nisqapi “Espíritu” nisqata.
^ Chaypiqa “Diosninta yanapaqninpaq jap’iqqa” nillanmantaqmi.
^ Hebreo rimaypiqa “Jah” ninmi. Jah nisqaqa pisi letrakunallapin “Jehová” ninanta nishan.
^ Chaypiqa “¡Aleluya!” nillanmantaqmi.