Salmus 37:1-40
-
Teyta Jehoväman confiakoqkunaqa allim kawakuyanqa
-
“Mana alli nunakuna imanö kayanqanta rikar ama cölerakuytsu” (1)
-
“Teyta Jehoväta sirwir kushishqa kë” (4)
-
“Teyta Jehoväta cäsukur kawakuy” (5)
-
“Alli shonquyoq nunakunapaqmi kë patsa herenciankuna kanqa” (11)
-
Alli ruraq nunakunapaqa manam mikuyninkuna pishinqatsu (25)
-
Allita ruraq nunakunapaqqa kë patsachömi imëyaqpis kawakuyanqa (29)
-
David qellqanqan cancion.
א [älef]
37 Mana alli nunakuna imanö kayanqanta rikar ama cölerakuytsu,y mana allikunata rurayanqanta rikar munapëtsu.+
2 Pëkunaqa qewa tsakeqnömi ushakäyanqa,+llullu qewa tsakireqnömi wanuyanqa o wañuyanqa.
ב [bet]
3 Teyta Jehoväman confiakur allikunata rurë,+imëpis allikunata rurar markëkichö kawakuy.+
4 Teyta Jehoväta sirwir kushishqa kë,tsëqa shonquyki llapan munanqantam ruramunqa.
ג [guïmel]
5 Teyta Jehoväta cäsukur kawakuy,+pëman confiakuptikiqa yanapashunkim.+
6 Pëmi permitinqa allikunata ruranqëki patsa waraqnö atsikyänampaq,y pullan junaq höra inti o rupay atsikyaqnö rikakunampaq.
ד [dälet]
7 Teyta Jehoväpa puntanchö upällalla kë,+y ruramunampaq kaqta pacienciawan shuyarë.
Juk nuna imatapis mana allita ruranampaq pensaptinqa ama cölerakuytsu.+
ה [he]
8 Ama cölerakoq këtsu, alläpa cölerarqa ama pitapis qayapëtsu.+
Tsënö cölerarqa mana allitapis rurarinkimanmi.*
9 Teyta Diosmi mana alli nunakunataqa ushakätsinqa,+peru Teyta Jehoväman confiakoqkunapaqqa kë patsam herenciankuna kanqa.+
ו [waw]
10 Ichikllanam faltan mana alli nunakuna ushakäyänampaq,+pëkuna kayanqan kaqman rikachakurpis manam rikankinatsu.+
11 Alli shonquyoq nunakunapaqmi kë patsa herenciankuna kanqa.+
Tsëchömi imëpis yamë y tranquïlu kawakuyanqa.+
ז [zayin]
12 Mana alli nunakunaqa willanakurmi,+ alli ruraq nunata imëkata rurayan.
Y cölerarmi kirunkunatapis rikapätsiyan.
13 Teyta Jehoväqa musyanmi mana alli nunakuna imë ushakäyänampaq kaqta,tsëmi pëkunapita asikun.+
ח [jet]
14 Mana alli nunakunaqa,sufrikaqkunata, waktsakunata y Teyta Dios munanqannö kawakoqkunata wanutsiyänampaqmi espädankunata alistayany flëchankunawan apuntayan.
15 Peru kikinkunapa espädankunallawanmi wanuyanqa+y arcunkunapis pakirmi ushakanqa.
ט [tet]
16 Mas alliqa waktsallapis alli nuna kayanqanmi,peru mana alli nuna kayaptinqa, imëkayoq kayanqampis manam välintsu.+
17 Mana alli nunapaqa, puëdeq këninmi ushakärinqa,peru alli ruraqtaqa Jehovä Diosmi yanapanqa.
י [yod]
18 Limpiu shonquyoq nunakuna imapa pasëkäyanqantaqa Teyta Jehovä musyanmiy chaskiyanqan herenciaqa manam imëpis ushakanqatsu.+
19 Mana allikuna pasanqan tiempupis manam penqakushqatsu quedayanqay alläpa mallaqë kanqan witsampis mikuyänampaq mëtsikam kanqa.
כ [kaf]
20 Peru mana alli nunakunaqa ushakäyanqam,+Teyta Jehoväpa chikeqninkunaqa qewanö shumaq këkarpis ushakäyanqam,qoyënömi o qoshninömi ushakäyanqa.
ל [lámed]
21 Mana alli nunaqa prestakurirpis manam kutitsikuntsu,peru alli nunaqa llakipäkoq* karmi pïmëtapis yanapan.+
22 Teyta Dios bendicinqan nunakunapa herencianqa kë patsam kanqa,peru maldicinqan nunakunaqa ushakäyanqam.+
מ [mem]
23 Juk nuna alli portakuptinqa,+alli kawakunampaqmi Teyta Jehovä yanapan.+
24 Teyta Jehovämi tsë nunataqa makimpita tsararëkan,+tsëmi ishkirnimpis jitarëkarqa quedakunqatsu.+
נ [nun]
25 Jövin kanqäpita awkinyanqäyaqpismanam rikarqötsu alli nunata Teyta Dios dejarinqanta,+ni manam tsurinkunatapis mikuyta mañakur purikäyaqta rikarqötsu.+
26 Alli nunaqa imata prestakurpis manam pagayänanta shuyarantsu,+tsurinkunatapis Teyta Diosmi bendicinqa.
ס [sämekh]
27 Mana alli rurëkunata dejar alli kaqllatana rurë,+tsëta rurarqa imëyaqpis kawakunkim.
28 Teyta Jehovätaqa gustanmi allikunata rurayanqany pëta kuyaqkunataqa manam dejantsu.+
ע [ayin]
Imëka mana allikunapitam tsapanqa,+peru mana alli nunakunapa tsurinkunaqa ushakäyanqam.+
29 Allita ruraq nunakunapaqqa kë patsam herenciankuna kanqa,+y tsëchömi imëyaqpis alli kawakuyanqa.+
פ [pe]
30 Alli nunaqa imatapis alli pensëkurmi parlan,y parlakurpis allillatam parlan.+
31 Y Teyta Diospa leynintam imëpis yarparan,+tsëmi mana allikunataqa ruranqatsu.+
צ [sadë]
32 Mana alli nunaqa, alli nunata wanutsinampaqmi mëta ëwaptimpis rikarëkan.
33 Peru Teyta Jehoväqa manam wanutsiyänanta dejanqatsu,+ni culpayänantapis permitinqatsu.+
ק [qof]
34 Teyta Jehoväman confiakur pë munashqannö kawakuy,tsëta ruraptikim kë patsachö imëyaqpis kawakunëkipaq bendicishunki.
Mana alli nunakuna ushakäyanqantaqa+ rikankim.+
ר [resh]
35 Imanömi juk plantaqa alli allpachö kar shumaq wëtan,tsënömi mana alli nunatapis rikarqö, munanqanta rurar kushishqa kawakunqanta.+
36 Peru tsëpitaqa manam rikarqänatsu,+ashirnimpis manam tarirqänatsu.+
ש [shin]
37 Alli shonquyoq nuna imanö kawakunqanta rikë,alli nuna imanö kanqanta alkäbulla kë.+
Tsë nunaqa, shamoq tiempuchöpis allim kawakunqa.+
38 Peru jutsa* ruraqkunaqa ushakäyanqam,mana alli nunakunaqa manam kayanqanatsu.+
ת [taw]
39 Peru alli nunakunataqa Teyta Jehovämi salvanqa,+y mana alli tiempuchöpis alli segurashqa markanömi tsapanqa.+
40 Teyta Jehovämi pëkunataqa yanapanqa y salvanqa.+
Defendinampaq pëta asheqkunatam,mana alli nunakunapa makimpita salvanqa.+
Nötakuna
^ O capazchi “mana allita rurakunki”.
^ Kënöpis niyanmi: ankupäkoq; kuyapäkoq.
^ Kënöpis niyanmi: pecädu.
