“Teyta Dios, qamqa mañakayämuptin wiyankim, qammanmi llapan nunakuna shayämunqa”.

Salmus 65:2

“Ama kikiki yachanqëkillamanqa confiakuytsu, sinöqa, Teyta Jehoväman llapan shonquykiwan confiakuy. Imata rurarpis, pëtaraq puntata yarpanki munanqannö ruranëkipaq. Tsëta ruraptikiqa, alli kawakunëkipaqmi yanapashunki”.

Proverbius 3:5, 6

“Qamllam rasumpa kaq Dios kanki, imëyaqpis kawëta tarita munaqkunaqa qamtam reqiyäshunëki, y mandamunqëki Jesucristutam reqiyänan”.

Juan 17:3

“[Teyta Diosqa] manam cada ünupita alläpa karuchötsu këkan”.

Hëchus 17:27

“Këtam imëpis mañakü: imatapis mas alli musyayanqëkimannö y mas alli entiendiyanqëkimannö, mas y mas kuyakoq kayänëkipaq”.

Filipensis 1:9

 “Qamkunachö pipapis yachënin pishiptinqa, Teyta Diosta kutin kutin mañakutsun, y chaskinqam. Pëqa llapankunatam mana medipashpa qaran, y manam qarakunqampita imatapis nikuntsu”.

Santiägu 1:5

“Teyta Diosman witiyë, y pëqa qamkunamanmi witimunqa. Jutsata ruraqkuna, mana alli rurëkunata dejayë, y mana churapakaqkuna, shonquykikunata limpiuyätsiyë”.

Santiägu 4:8

“Teyta Diosta kuyarqa, mandakunqankunatam cäsukunantsik. Tsënö kaptimpis, mandakunqankunata cäsukuyqa manam alläpa difïciltsu”.

1 Juan 5:3