Salmus 36:1-12
Cantaqkunata dirigeqpaq. Teyta Jehoväta sirweq David qellqanqan salmus.
36 Mana alli nunaqa, shonqunchö mana allita yarparmi, mana allikunallata ruran,y Teyta Diostaqa manam ni ichikllapis mantsantsu.+
2 Tsëmi wakimpitapis mas alli kanqanta pensar mana alli ruranqantaqa cuentata qokuntsu,dejanampa rantinmi masta ruran.+
3 Imëkata parlarmi nuna mayinta llakitsir engañan,y allikunata ruranampaqqa manam pensëta yachantsu.
4 Cämanchö këkarpis mana allita rurananllapaqmi yarparëkan.
Mana allikunata rurarllam kawakuyta munan.
Mana alli rurëtaqa alläpam gustëkun.
5 Teyta Jehovä, alläpa kuyakoq kanqëkiqa ciëluyaqmi chan,+y änikunqëkita cumplinqëkiqa pukutëkuna këkanqanyaqmi chan.
6 Justiciata ruranqëkiqa jatusaq jirkakunanömi,+ninqëkikunaqa lamar yakunö mëtsikam.+
Teyta Jehovä, qammi animaltapis, nunatapis wätanki.*+
7 Teyta Dios, alläpa kuyakoq kanqëkiqa kushikuypaqmi,+qamman nunakuna shayämuptinqa, wawankunata älan rurinman pishqu pakaqnömi pakanki.+
8 Qam permitiptikim wayikiman yëkuykur pachankuna juntanqanyaq imëkata mikupakuyan,+y imëka mishkeqkunata upupakurmi kayan.+
9 Teyta Dios, qamllam kawatsiyämanki,+qam yanapayämaptikillam rasumpa aktsitapis rikäyä.+
10 Reqiyäshoqnikikunata imëpis kuyëkullë,+alli shonquyoq nunakunapaq imëka allita rurëkullë.+
11 Ama orgullösukuna maqar ushayämätsuntsu,y chikimaqkunapis qarqayämatsuntsu.
12 Mana allita ruraqkunataqa venciyashqanam.
Mana allita ruraqkunaqa jitarëkäyanmi, manam sharkuyta puëdiyannatsu.+
Nötakuna
^ O “kawëkaqta katsinki”.