Salmus 2:1-12
2 ¿Imanirtan mëtsë nacion nunakunaqa wakpa këpa purir këkäyan?
¿Imanirtan llapan markachö nunakuna mana allikunata rurayänampaq pensëkäyan?+
2 Jehovä Dioswan y akranqan nunawan* guërrata rurayänampaqmipatsachö llapan gobernantikuna alistakuyan,+y mandakoq nunakunapis willanakur juntakäyan.+
3 Kënömi niyan: “¡Cadënankunatay watarätsimanqantsik waskakunatapis rachir ushakätsishun!”.
4 Tsënö niyaptinmi ciëluchö këkaqqa asipanqa,gobernar täkunanchö jamarëkaqqa asikunqam,Teyta Jehoväqa pëkunapitam burlakunqa.
5 Tsë witsanqa cölerashqam parlapanqa,tsënö parlaparmi alläpa mantsakätsinqa.
6 Kënömi ninqa: “Noqam sagrädu Sion jirkäman+akranqä gobernantita churarqö”.+
7 Teyta Jehovä ninqanta willayashqëki,pëmi kënö nimarqan: “Qammi tsurï kanki+y noqam kanampitaqa teytëki kashaq.+
8 Mañakamaptikiqa llapan nacionkunatam entregashqëki,juknin kuchumpita juknin kuchunyaqmi patsapa duëñumpis kanki.+
9 Qam gobernarqa llapan nacionkunatam* ushakätsinki,+allpa mankatanömi pakir ushakätsinki”.+
10 Kananqa gobernantikuna alli pensayë,y qamkuna juezkunapis corregiyäshunqëkita cäsukuyë.
11 Jehovä Diosta respëtuwan* sirwiyë,kushishqa adorayë.
12 Teyta Diospa tsurinta respetayë,*+mana respetayaptikiqa, Teyta Diosqa cöleranqam.
Cölerakurqa jinan höram* ushakätsiyäshunki.+
¡Teyta Diosman confiakoqkunaqa, llapankunapis kushishqam kayanqa!
Nötakuna
^ O “Mesïaswan; Cristuwan”.
^ O “mandakuna fiërrupita värëkiwanmi”.
^ Hebreu idiömachöqa “mantsar” ninmi. Rikäri “Bibliachö palabrakunata entiendinapaq” neqta.
^ Hebreu idiömachöqa “mutsayë” ninmi.
^ O “alli kaqta ruraqkunapa nänimpitam”.