“Llapan nunakuna musyayätsun jutiki Jehovä kanqanta, entëru patsa janampa qamlla Llapanta Gobernaq Poderösu Dios kanqëkita musyayätsun”.

Salmus 83:18

“Teyta Jehovä Dios kanqanta musyayë, pëmi kamamarquntsik, tsëmi pëpa kantsik”.

Salmus 100:3

“Noqaqa Jehovämi kä, tsëmi jutï. Y manam munätsu noqata respetayämänampa rantin jukkunata respetayänanta. Y noqata alabayämänampa rantin nunakuna rurayanqan santukunata alabayänanta”.

Isaïas 42:8

“Teyta Jehoväpa jutinman confiakoqkunaqa salvashqam kayanqa”.

Romänus 10:13

“Rasunmi, wayikunaqa pï nunapis rurashqa kaptinmi kan, peru llapanta ruraqqa Teyta Diosmi”.

Hebrëus 3:4

 “Ciëluman rikäyë. ¿Pitan tsë llapan estrëllakunata kamashqa? Pëkunataqa Teyta Diosmi jukllëllapa jukllëllapa yupar soldädukunatanö yarqatsimun, y llapan estrëllakunatam jutimpa reqin. Mëtsika poderninqa y alläpa puëdeq kanqanqa alläpa espantëpaqmi, tsëmi ni mëqampis faltantsu”.

Isaïas 40:26