Псалом 46:1—11
Амонӕгӕн. Корейы фыртты псалом+. Чызджытӕ. Зарӕг.
46 Хуыцау у не ’мбӕхсӕн ӕмӕ нӕ хъару+,Зын сахат нӕм уайтагъд ӕххуысмӕ фӕзыны+.
2 Ӕмӕ уый тыххӕй нӕ фӕтӕрсдзыстӕм, зӕхх дӕр куы фӕива+Ӕмӕ хӕхтӕ куы банкъуысой ӕмӕ ӕнӕкӕрон денджызы бынмӕ куы ацӕуой, уӕд дӕр+,
3 Йӕ дӕттӕ дӕр куы абухой ӕмӕ сӕ фынк куы кӕла+Ӕмӕ йе знӕт уылӕнтӕй хӕхтӕ куы базмӕлой, уӕд дӕр+. (Села́)
4 Цӕугӕдоны гуылфӕнтӕ циндзинад хӕссынц Хуыцауы горӕтӕн+,Иунӕг Стыр Хуыцауы кадджын ӕмӕ сыгъдӕг цатырӕн+.
5 Хуыцау ис горӕты астӕу+, ӕмӕ горӕт нӕ фенкъуысдзӕн+.Хуыцау ын баххуыс кӕндзӕн райсомӕй раджы+.
6 Адӕмтӕ сызнӕт сты+, паддзахӕдтӕ банкъуыстысты,Йӕ хъӕлӕс ныннӕрыд, ӕмӕ зӕхх атад+.
7 Ӕфсӕдты хицау Йегъовӕ ис немӕ+,Иаковы Хуыцау у нӕ бӕрзонд хох+. (Села́)
8 Ӕрцӕут ӕмӕ фенут Йегъовӕйы хъуыддӕгтӕ+,Фенут, зӕххыл цы диссӕгтӕ аразы, уый+.
9 Зӕххы кӕрӕтты онг уромы хӕстытӕ+.Сӕтты ӕрдынтӕ, дыууӕ дихы кӕны ӕрцытӕ+Ӕмӕ хӕстон уӕрдӕттӕ судзы+.
10 «Басӕттут ӕмӕ йӕ зонут, ӕз кӕй дӕн Хуыцау+.Ӕз скадджын уыдзынӕн адӕмты ’хсӕн+,Скадджын уыдзынӕн зӕххыл»+.
11 Ӕфсӕдты хицау Йегъовӕ ис немӕ+,Иаковы Хуыцау у нӕ бӕрзонд хох+. (Села́)