Mrɛlɛbulɛ 19:1-29
19 Ɔle kpalɛ kɛ ɛkɛyɛ ehyianli mɔɔ fa nɔhalɛlilɛ* dua+Tɛla kɛ ɛkɛyɛ koasea na ɛkɛbɔ adalɛ la.+
2 Sonla* mɔɔ ɛnlɛ debie biala anwo adwenle la ɛnle kpalɛ,+Yɛɛ sonla mɔɔ pele ɔ nwo yɛ debie* la yɛ ɛtane.
3 Sonla ɔdaye ye ngoaseade maa ɔfo adenle,Na ye ahonle fa Gyihova anwo ɛya.
4 Anwonyia maa bɛnyia agɔnwolɛma dɔɔnwo,Noko ehyianli agɔnwo bɔbɔ bakpo ye.+
5 Sonla mɔɔ di dasewia la ɛnrɛva ɔ nwo ɛnrɛli,+Yɛɛ sonla mɔɔ bɔ adalɛ mekɛ biala la ɛnrɛvi ɛsalɛ.+
6 Menli dɔɔnwo kpondɛ sonla titili* anyunlu ɛlolɛ,Yɛɛ awie biala fa sonla mɔɔ kyɛ debie la agɔnwolɛ.
7 Ehyianli amediema kɔsɔɔti kpɔ ye;+Ɛnee kɛ ɔkɛyɛ mɔɔ ɔ gɔnwo mɔ noko ɛnrɛkpo ye ɛ!+
Ɔfa ye modolɛ ɔto bɛ nyunlu, noko awie biala ɛndɛne ye zo.
8 Awie biala mɔɔ kɛnyia adwenle kpalɛ* la kulo ɔ nwo.*+
Awie biala mɔɔ kɔ zo da adwenlenunwunlɛ ali la bakpazi.*+
9 Sonla mɔɔ di dasewia la ɛnrɛva ɔ nwo ɛnrɛli,Yɛɛ sonla mɔɔ bɔ adalɛ mekɛ biala la baminli.+
10 Ɔnfɛta kɛ koasea kɛdɛnla anwonyia avinli;Yɛɛ ɔnle kpalɛ noko kɛ sonvolɛ kɛli tumivolɛma anwo zo tumi!+
11 Sonla mɔɔ lɛ nwunu la ɛnva ɛya mgbane mgbane,+Yɛɛ ɔle kɛnlɛma wɔ ye afoa nu kɛ ɔkɛbu ɔ nye ɔkɛgua nvonleɛ* zo.+
12 Belemgbunli ɛyavalɛ le kɛ awenade* mɔɔ ɛlɛkulu la,+Noko ɔ nyunlu ɛlolɛ le kɛ ɛbɔlɛ mɔɔ tɔ gua ndile zo la.
13 Ralɛ koasea maa ye papa nwu amaneɛ,+Yɛɛ yelɛ mɔɔ kulo butule* la le kɛ sua mɔɔ ɔ ti zo nwu la.+
14 Sua nee anwonyia le agyadeɛ mɔɔ bɛnyia bɛfi papa mɔ ɛkɛ a,Noko yelɛ nrɛlɛbɛvolɛ vi Gyihova ɛkɛ.+
15 Mgbovonleyɛlɛ maa bɛdafe kpole,Yɛɛ sonla* mɔɔ ɛnyɛ gyima la, ɛhɔne bahu ye.+
16 Sonla mɔɔ di mɛla zo la lɛ ye ngoane;*+Sonla mɔɔ ɛndwenle ye ndenle nwo la bawu.+
17 Sonla mɔɔ kɛlo koahweabane la bɔ Gyihova bosea,+Na Ɔbadua ye kakɛ* wɔ mɔɔ ɔyɛ la anwo.+
18 Tenrɛdenrɛ ɛ ra wɔ mekɛ mɔɔ anyelazo wɔ ɛkɛ la,+Na mmadi ye ewule ne anwo ɛzonle.*+
19 Sonla mɔɔ lɛ ahonle la banyia nwolɛ anzohwenlɛ;Saa ɛbɔ mɔdenle kɛ ɛdie ye a, ɛbalie ye fane dɔɔnwo.+
20 Tie folɛdulɛ na die ɛdenrɛdenrɛlɛ to nu,+Amaa wɔanwu nrɛlɛbɛ kenle bie.+
21 Sonla ahonle nu nzuzulɛ zonle,Noko Gyihova folɛdulɛ* a bali konim a.+
22 Debie kɛnlɛma mɔɔ wɔ sonla nwo la a le ye ɛlɔlɛ kpundii;+Yɛɛ ɔle kpalɛ kɛ ɛkɛli ehyia tɛla kɛ ɛkɛbɔ adalɛ.
23 Gyihova ɛzulolɛ kɔwie ngoane nu;+Sonla mɔɔ kɛnyia ye la banyia ɛnwomenlelielɛ kpalɛ, munzule ɛnrɛdo ye.+
24 Mgbovonle sonla fa ɔ sa to ɛyɛba nu,Noko ɔndwenle nwolɛ bɔbɔ kɛ ɔfa yeawula ɔ nloa anu.+
25 Bɔ agolobɛnwonli ne,+ amaa mɔɔ ɛnlɛ anwubielɛ la ayɛ sonla mɔɔ anye gyi ɔ ti anwo,+Na twi sonla mɔɔ lɛ ndelebɛbo la anyunlu, amaa ye nrɛlɛbɛ ayɛ kpole.+
26 Sonla mɔɔ ɔ nee ye papa ɛnli ye boɛ na ɔfoa ye mame laLe ralɛ mɔɔ bɔ anyiemgba na ɔ nyunlu gua aze.+
27 Me ra, saa ɛgyakyi ɛdenrɛdenrɛlɛ ɛdielɛ a,Ɛbaminli wɔavi edwɛkɛ mɔɔ maa adwenle la anwo.
28 Dasevolɛ mgbane golo pɛlepɛlelilɛ nwo,+Yɛɛ amumuyɛma anloa me ɛtane ndɛndɛ.+
29 Ndɛnebualɛ wɔ ɛkɛ ne maa agolobɛnwoma,+Yɛɛ ahoasea nzi wɔ ɛkɛ ne maa ɛbolɛ.+
Ɔbodwɛkɛ
^ Anzɛɛ “munlililɛ.” Nea Edwɛkɛbohilelɛ.
^ Anzɛɛ “Ɛkɛla.”
^ Hibulu aneɛ nu, “tudu ɔ gyakɛ ndɛndɛ.”
^ Anzɛɛ “sonla mɔɔ asa do la.”
^ Anzɛɛ “ye ɛkɛla.”
^ Hibulu aneɛ nu, “banyia debie kpalɛ.”
^ Hibulu aneɛ nu, “kɛnyia ahonle.”
^ Anzɛɛ “mɛladonlɛ.”
^ Anzɛɛ “awenande kakula mɔɔ anwo yɛ se.”
^ Anzɛɛ “tendɛ ɔ nzo abo.”
^ Anzɛɛ “ɛkɛla.”
^ Anzɛɛ “ɛkɛla.”
^ Anzɛɛ “Ɔbamaa ye ahatualɛ.”
^ Anzɛɛ “mmamaa ɛ nye die ye ewule nwo.”
^ Anzɛɛ “bodane.”
