Mrɛlɛbulɛ 18:1-24
18 Awie biala mɔɔ twe ɔ nwo fi menli nwo* la di ye angomedi atiakunluwɔzo nzi;Ɔkpo* nrɛlɛbɛ kpalɛ biala.
2 Koasea anye ɛnlie ndelebɛbo nwo;Emomu ɔda mɔɔ wɔ ye ahonle nu la ali.+
3 Saa amumuyɛnli ba a, ɛbulɛ noko ɛnle ɛkɛ,Na saa sonla anla enililɛ ali a, ɔ nee anyiemgba a lua a.+
4 Sonla anloa anu edwɛkɛ le kɛ azule mɔɔ le kuma la.+
Nrɛlɛbɛ nzubula le kɛ azule mɔɔ se la.
5 Ɔnle kpalɛ kɛ ɛkɛnlea amumuyɛnli nyunlu ɛkɛli ɛkɛmaa ye+Anzɛɛ ɛkɛmaa pɛlepɛlelilɛ kɛbɔ tenlenenli.+
6 Koasea ɛdendɛlɛ kɔwie butulelilɛ nu,+Yɛɛ ɔ nloa twehwe ɛbolɛ.+
7 Koasea anloa a sɛkye ye a,+Yɛɛ ɔ nloa babonle le ɛhane maa ye ngoane.*
8 Dumasɛkyevolɛ edwɛkɛ le kɛ aleɛ mɔɔ yɛ fɛ* la;+Bɛme ye ɛkɛ ne ala bɛmaa ɔkɔtɔ bɛ kunlu.+
9 Awie biala mɔɔ le mgbovonle wɔ ye gyima nwo laAdiema a le sonla mɔɔ sɛkye ninyɛne la.+
10 Gyihova duma ne le aranemgbole.+
Tenlenenli nriandi kɔfea nu na ɔnyia banebɔlɛ.*+
11 Sukoavolɛ anwonyia le ye suakpole mɔɔ bɛdo nwolɛ bane;Ye adwenle nu a ɔle kɛ bane mɔɔ bɔ ɔ nwo bane la.+
12 Sonla ahonle memaa ɔ nwo zo a, ɔkɔwie azedɔlɛ nu.+Yɛɛ mɛlɛbɛnwoaze kɔwie anyunlunyia nu.+
13 Saa awie bua edwɛkɛ kolaa na yeade nɔhalɛ mɔɔ wɔ nu la a,Ɔle koasea yɛɛ ɔ nyunlu gua aze.+
14 Sonla adwenle* kola maa ɔgyinla ye anwodolɛ nloa,+Noko nwane a kola gyinla sunsum mɔɔ anwo ɛbubu ye la anloa a?+
15 Sonla mɔɔ lɛ ndelebɛbo la ahonle nwu nrɛlɛbɛ,+Yɛɛ nrɛlɛbɛvolɛ anzo kpondɛ adwenle.
16 Sonla ahyɛlɛdeɛ buke adenle maa ye;+Ɔfa ye ɔkɔ menli mgbole nyunlu.
17 Sonla mɔɔ kɛlimoa kɛha ye edwɛkɛ la, ɛnea a ye edwɛkɛ yɛ fɛ,+Kɔkpula kɛ ko ne noko kɛra na ɔkɛbizebiza ye edwɛkɛ la.*+
18 Ma* ɛgualɛ pɛ butule zo+Na ɔsi kpɔkɛ ɔmaa menli mɔɔ kpɔ bɛ nwo ɛsesebɛ la.*
19 Adiema mɔɔ bɛvo ye la ɛkpɔdalɛ yɛ se tɛla suakpole mɔɔ bɛdo nwolɛ bane mɔɔ bɛdi zolɛ konim la,+Yɛɛ butule ne bie le kɛ aranemgbole nlenkɛ nzi mbulalɛ la.+
20 Sonla anloa anu edwɛkɛ bamaa ɔ ko ayi;+Ɔ nloa anu ma bamaa ɔ ko ayi.
21 Ewule nee ngoane wɔ ɛtafinlimalɛ tumi nu;+Bɛdabɛ mɔɔ bɛkulo kɛ bɛfa bɛdi gyima la bali ye ma.+
22 Sonla mɔɔ kɛnyia yelɛ kpalɛ la ɛnyia debie kpalɛ,+Yɛɛ ɔnyia Gyihova anyunlu ɛlolɛ.+
23 Saa ehyianli ɛlɛtendɛ a ɔbodo,Noko sukoavolɛ maa mualɛ mgbane mgbane.
24 Agɔnwolɛma bie mɔ wɔ ɛkɛ mɔɔ bɛ nloa ɛnzɛ bɛ nwo a,+Noko agɔnwolɛ ne bie wɔ ɛkɛ a ɔbeta bɛ nwo kyengye ɔtɛla adiema.+
Ɔbodwɛkɛ
^ Anzɛɛ “ɛnzo menli avinli.”
^ Anzɛɛ “Ɔmbu.”
^ Anzɛɛ “ye ɛkɛla.”
^ Anzɛɛ “debie mɔɔ bɛme ye ndɛndɛ.”
^ Hibulu aneɛ nu, “bɛkpogya ye zo anwuma,” ɛhye kile kɛ, bɛ sa ɛnga ye, ɔlɛ banebɔlɛ.
^ Hibulu aneɛ nu, “sunsum.”
^ Anzɛɛ “ɔkɛnleɛnlea ye nu.”
^ Nea Edwɛkɛbohilelɛ.
^ Hibulu aneɛ nu, “ɔtete bɛ avinli.”
