AmaRhubo 37:1-40
Irhubo lakaDavida.
א [Aleph]
37 Ungasilingeki ngebanga labantu abambiNamkha ube nomona ngabenzi bokumbi.+
2 Bazokutjhwaba msinya njengotjani+Begodu bazokutjhwaba njengotjani obutjha obuhlaza.
ב [Beth]
3 Thembela kuJehova, wenze okuhle;+Hlala ephasini,* wenze ngokuthembeka.+
4 Fumana ithabo elikhulu kuJehova,Yena uzokunikela iimfiso zehliziywakho.
ג [Gimel]
5 Vumela uJehova anqophise indlelakho;*+Thembela kuye, yena uzokuthatha igadango.+
6 Uzokwenza ukulunga kwakho kuphazime njengokusa,Nobulungiswa bakho njengelanga emini ekulu.
ד [Daleth]
7 Thula phambi kwakaJehova+Umlinde ngokululukela.*
Ungasilingwa mumuntu
Ophumelelako ekwenzeni amaqhingakhe.+
ה [He]
8 Lisa ukusilingeka, ulahle ilaka;+Ungakwati bese wenza okumbi.*
9 Ngombana abantu abambi bazokuqedwa nya,+Kodwana abathembela kuJehova bazokuzuza iphasi.+
ו [Waw]
10 Sekusele kancani ukuthi abakhohlakeleko bangasaba khona;+Uzokuqala lapho ebebakhona,Kodwana bazabe bangekho.+
11 Kodwana abathobekileko bazokuzuza iphasi,+Bazokuthaba khulu ngokuthula okukhulu.+
ז [Zayin]
12 Isikhohlakali senza amaqhinga wokulimaza olungileko;+Siyasilingeka nasimbonako.*
13 Kodwana uJehova uzosihleka,Ngombana uyazi bona ilanga laso liyeza.+
ח [Heth]
14 Abakhohlakeleko bakhupha iinsabula zabo, bagoba nemisubelaboBona bawise ogandelelekileko notlhagako,Bona barhayile labo abenza okulungileko.
15 Kodwana isabulabo izokuhlaba ihliziywabo;+Imisubelabo izokuphulwa.
ט [Teth]
16 Kungcono okuncani komuntu olungilekoKunenala yabakhohlakeleko abanengi.+
17 Ngombana imikhono yabakhohlakeleko izokuphulwa,Kodwana uJehova uzokusekela abalungileko.
י [Yod]
18 UJehova uyazi bona abamsulwa baqalene nani,*Begodu ilifa labo lizokuhlala ngokungapheliko.+
19 Angeze bahlaziswe ngesikhathi sehlekelele;Ngesikhathi sendlala bazokuba nenala.
כ [Kaph]
20 Kodwana abakhohlakeleko bazokubhujiswa;+Amanaba kaJehova azokunyamalala njengamadlelo amahle;Azokunyamalala njengentuthu.
ל [Lamed]
21 Okhohlakeleko uyaboleka, angabuyiseli,Kodwana olungileko unomusa, uyaphana.+
22 Labo ababusiswe nguZimu bazokuzuza iphasi,Kodwana labo abaqalekiswe nguZimu bazokuqedwa nya.+
מ [Mem]
23 UJehova unqophisa* amagadango womuntu+
Lokha nakafumana okuthabisako endlelenakhe.+
24 Ngitjho nanyana angakhutjwa, angeze awe,+Ngombana uJehova umsekela ngesandla sakhe.+
נ [Nun]
25 Bengimutjha kodwana nje ngiluphele,Kodwana akhenge ngibone umuntu olungileko alahliwe,+Namkha abantwabakhe bafuna uburotho.+
26 Uhlala abolekisa ngokutjhaphulukileko,+Begodu abantwabakhe balindelwe sibusiso.
ס [Samekh]
27 Fulathela okumbi, wenze okuhle,+Uzokuhlala ngokungapheliko.
28 Ngombana uJehova uyabuthanda ubulungiswa,Begodu angeze abalahle abathembekileko bakhe.+
ע [Ayin]
Bazokuhlala bavikelekile;+Kodwana iinzukulwana zabakhohlakeleko zizokuqedwa nya.+
29 Abalungileko bazokufumana iphasi njengelifa+Begodu bazokuhlala kilo ngokungapheliko.+
פ [Pe]
30 Umlomo wolungileko udlulisa ukuhlakanipha,Begodu ilimu lakhe likhuluma ngobulungiswa.+
31 Umthetho kaZimakhe usehliziywenakhe;+Nakakhambako, iinyawo zakhe angeze zitjhelele.+
צ [Tsade]
32 Okhohlakeleko uqala olungileko,Afune ukumbulala.
33 Kodwana uJehova angeze amlahlele esandleni sokhohlakeleko+Namkha amfumane amlandu nakahlulelwako.+
ק [Qoph]
34 Thembela kuJehova, ulandele indlelakhe,Uzokuphakamisa bona ufumane iphasi.
Lokha abakhohlakeleko nabaqedwako,+ uzokubona.+
ר [Resh]
35 Ngibone umuntu omumbi, onganazwelaAtlhurha njengomuthi ohlaza ehlabathinawo evundileko.+
36 Kodwana wahlongakala ngokungakalindeleki, akhenge asaba khona;+Ngasolo ngimfuna begodu akhenge atholakale.+
ש [Shin]
37 Tjheja umuntu omsulwa,Ubeke nelihlo lakho kolungileko,+Ngombana ingomuso lomuntu loyo lizokuba nokuthula.+
38 Kodwana boke abaphula umthetho bazokubhujiswa;Ingomuso labantu abakhohlakeleko lizokuquntwa.+
ת [Taw]
39 Isindiso yabalungileko ivela kuJehova;+Uyindawabo evikelekileko ngesikhathi sokugandeleleka.+
40 UJehova uzobasiza, abahlenge.+
Uzobahlenga kokhohlakeleko begodu abasindise,Ngombana baphephela kuye.+
Imitlolo Ephasi
^ Namkha “enarheni.”
^ NgesiHebheru, “Gedela indlelakho kuJehova.”
^ Namkha “ngokubekezela.”
^ Namkha kungenzeka “Ungasilingeki ngombana kubangela ukulimala kwaphela.”
^ NgesiHebheru, “Simqinisela amazinyo bona silwe naye.”
^ NgesiHebheru, “uyawazi amalanga wabamsulwa.”
^ Namkha “uyawaqinisa.”
