AmaRhubo 103:1-22
Irhubo lakaDavida.
103 Dumisa uJehova mphefumulwami;Koke okungaphakathi kwami akudumise igama lakhe elicwengileko.
2 Dumisa uJehova mphefumulwami;Kwanga ngingakhumbula koke akwenzileko.+
3 Ulibalela yoke imitjhaphwakho+Uqeda woke umtlhagwakho;*+
4 Usindisa ukuphila kwami ekufeni*+
Uyangithanda begodu uyangirhawukela.+
5 Ukwanelisa ngezinto ezihle+ ukuphila kwakho koke,Ukwenzela bona ukuphila kwakho kuvuseleleke njengokwekhozi.+
6 UJehova wenza izinto ngokulunga+ nangobulungiswaKibo boke abagandelelekileko.+
7 Wenze uMosi wazi iindlela zakhe,+Namadodana wakwa-Israyeli izenzo zakhe.+
8 UJehova unesirhawu nomusa,+Akasilingeki msinya begodu unethando elikhulu.*+
9 Angekhe ahlale akhumbula imitjhaphwethu,+Namkha abambe amavunda ngokungapheliko.+
10 Akhenge asijezise ngokwezono zethu,+Namkha asibuyiselele ngokwemitjhaphwethu.+
11 Njengombana izulu liphezulu ukudlula iphasi,Nethando lakhe elithembekileko likhulu kilabo abamsabako.+
12 Njengombana ipumalanga ikude netjingalanga,Uyibeke kude kangako nathi imitjhaphwethu.+
13 Njengombana ubaba aba nesirhawu emadodanenakhe,UJehova uba nesirhawu kilabo abamsabako.+
14 Ngombana uyazi kuhle indlela esenziwe ngayo,+Uyakhumbula ukuthi silithuli.+
15 Amalanga womuntu ofako afana newotjani;+Ufana nethuthumbo lommango.+
16 Kodwana umoya nawuvuthelako, alisabi khona,Kuba ngasuthi akhenge libe khona.*
17 Kodwana ithando elithembekileko lakaJehova lihlala ngokungapheliko
Kilabo abamsabako,+Nokulunga kwakhe ebantwaneni babantwana babo,+
18 Kilabo abaphetha isivumelwano sakhe+Nalabo abathabela ukulalela iinqophiso zakhe.
19 UJehova unzinzise isihlalo sakhe sobukhosi ezulwini;+Begodu ubukhosi bakhe bubusa phezu kwakho koke.+
20 Dumisani uJehova noke ngilozi zakhe+ ezinamandla,Ngokulalela imiyalwakhe nelizwi lakhe.+
21 Dumisani uJehova noke mabuthwakhe,+Iinceku zakhe ezenza intandwakhe.+
22 Dumisani uJehova noke mbunjwa zakhe,Kizo zoke iindawo abusa kizo.
Umphefumulwami woke awudumise uJehova.
Imitlolo Ephasi
^ Namkha “koke ukugula kwakho.”
^ Namkha “ethuneni.”
^ Namkha “ithando elithembekileko.”
^ NgesiHebheru, “Indawalo ayisalazi.”